ءبىرىنشى ورتا سالماقتا جۇدىرىقتاساتىن 20 جاستاعى قازاقستاندىق بوكسشى سادريددين احمەدوۆ (1-0، 1 كو) كۆەبەكتەگى (كانادا) داۆيد لەمە — كاريم اشۋر بوكس كەشىندە جەكپە-جەك وتكىزدى، دەپ حابارلادى Sports.kz.

احمەدوۆ 34 جاستاعى ارگەنتينالىق اريەل الەحاندرو سامپەدريگە (9-3، 7 كو) قارسى ءتورت راۋندتىق جەكپە-جەكتى مەرزىمىنەن بۇرىن اياقتادى. ول 84ء-شى سەكۋندتا قارسىلاسىنىڭ باۋىر تۇسىنان اۋىر سوققى جاساپ، نوكاۋتقا ءتۇسىردى. وسىلايشا قازاقستاندىق جاس بوكسشى كاسىپقوي رينگتەگى ەكىنشى جەڭىسىنە قول جەتكىزدى. ال ارگەنتينالىق كارەراسىندا ءتورتىنشى رەت جەڭىلىسكە ۇشىرادى.  

ەستەرىڭىزگە سالا كەتەيىك، سادريددين 7 ساۋىردە العاشقى جەكپە-جەگىن توني باررەراسقا (1-2، 1 كو) قارسى وتكىزىپ، تاڭعالارلىق جەڭىسكە جەتكەن بولاتىن، مەكسيكالىق ءبىرىنشى راۋندتىڭ 31ء-شى سەكۋندىندا-اق نوكاۋتقا ءتۇستى. وسى جەكپە-جەكتەن كەيىن UCN Live ءجۋرناليسى رايان سكاليا "جىگىتتىڭ بولاشاعى جارقىن" ەكەنىن ايتتى، ال ونىڭ TVA Sports-تاعى ارىپتەسى نيكوليا مارتينو "بۇل ەسىمدى ەستە ساقتاۋعا" شاقىردى. 

احمەدوۆ كەلەسى جەكپە-جەگىن شاۆينيگاندە (كانادا) 16 ماۋسىمدا وتكىزەدى. قارسىلاسى ازىرگە بەلگىسىز.