پاريج حالقى ەرەۋىلگە شىعىپ، سوڭى جاپپاي تارتىپسىزدىككە ۇلاستى. سالدارىنان ءتۇرلى دەڭگەيدە بۇزاقىلىق جاساعان 32 ادام قاماۋعا الىندى.

بۇل جولعى ەرەۋىل «حالىقتىق كوتەرىلىس» دەگەن اتقا يە بولىپ، جەرگىلىكتى ۋاقىت بويىنشا كۇندىزگى 4 شاماسىندا باستالعان. جاي عانا ۇرانداتىپ، استانا كوشەلەرىن ارالاپ كەلە جاتقان ەرەۋىلشىلەر قاتارىنا ۇستەرىنە قارا كيىم كيگەن ءبىر توپ بۇزاقى قوسىلعان. ولار پوليسەيلەردى تاياقپەن ۇرىپ، جاياۋ جۇرگىنشىلەرگە تاس جاۋدىرعان. ال ءتارتىپ ساقشىلارى كوز جاساۋراتقىش قولدانعان. ايتا كەتۋ كەرەك، وسىدان ەكى كۇن بۇرىن پاريج كوشەلەرىنە مەملەكەتتىك قىزمەتكەرلەر، زەينەتكەرلەر مەن ستۋدەنتتەر شىققان ەدى. ولاردىڭ اشىنۋىنا جالاقى بويىنشا يندەكستەۋدىڭ توقتاتىلۋى مەن جۇمىس ورىندارىنىڭ قىسقارتىلۋى تۇرتكى بولعان. ءدال وسىنداي «حالىقتىق كوتەرىلىس» فرانسيانىڭ باسقا قالالارىندا دا وتەتىن ءتۇرى بار.