بالقاش قالاسىنداعى №15 مەكتەپ-ليسەيگە الاش كوسەمى ءاليحان بوكەيحانوۆتىڭ ەسىمى بەرىلمەك. بۇل جايىندا ادىلەت ق ر ءنورماتيۆتى قۇقىقتىق اكتىلەرىنىڭ اقپاراتتىق-قۇقىقتىق جۇيەسى سايتىندا حابارلاندى، دەپ جازادى Qamshy.kz اقپارات اگەنتتىگى. 

«ءاليحان بوكەيحانوۆتىڭ ەسىمىن «بالقاش قالاسىنىڭ ءبىلىم بەرۋ ءبولىمى» مەملەكەتتىك مەكەمەسىنىڭ «بالقاش قالاسىنىڭ №15 مەكتەپ-ليسەيى» قالالىق مەملەكەتتىك مەكەمەسىنە بەرىلسىن»، - دەلىنگەن ۇكىمەتتىڭ 2018 جىلعى 24 مامىرىنداعى №286 شەشىمىندە.

وسى قاۋلى العاشقى رەسمي جاريالانعان كۇنىنەن باستاپ كۇشىنە ەنەدى.

ءاليحان بوكەيحانوۆ – الاش كوسەمى، قازاقتىڭ قوعام قايراتكەرى، پەداگوگ، جۋرناليس، ەتنوگراف. «الاش» پارتياسىنىڭ كوشباسشىلارىنىڭ ءبىرى، قازاقستان رەسپۋبليكاسىنىڭ ۋاقىتشا ۇكىمەتىنىڭ كوميسسارى، 1971 جىلدان 1920 جىلعا دەيىن الاش اۆتونومياسىنىڭ ءتوراعاسى بولعان.