Air Astana ۇشاعىنىڭ اپاتتىق جاعدايدا قونۋىنىڭ سەبەپتەرىن  "قازاقستان اۋە جولى" ۇلتتىق اۋە كومپانياسىنىڭ ءبىرىنشى پرەزيدەنتى امانتاي جولدىبايەۆ ايتتى. بۇل تۋرالى ەكونوميكالىق شولۋشى دەنيس كريۆوشەيەۆ ءوزىنىڭ Facebook-تەگى پاراقشاسىنا جازىپتى.

ەسكە سالساق، 22 مامىردا شىمكەنتتەن شىققان كس352 رەيسى استانادا قولايسىز اۋا رايىندا  اپاتتىق جاعدايدا قونعان. ۇشاق ازىرگە انىقتالماعان سەبەپتەردەن، جولاق پەن ماگيستارلدى جول اراسىنا ءتۇسىپ، ءوز جولىنداعى بەلگىلەردى باسىپ وتكەن. قۋانىشقا وراي، ەشكىم زارداپ شەكپەدى. مالىمەتتەرگە قاراعاندا، ۇشقىش شەتەلدىك ايەل بولعان.

امانتاي جولدىبايەۆتىڭ ايتۋىنشا، ديسپەچەرلىك قىزمەت تە، قىزمەتكەرلەر دە بارلىعىن دۇرىس ورىنداعان. قازگيدرومەت تە اۋا رايىنا قاتىستى مالىمەتتەردى دۇرىس بەرىپ وتىرعان. ءقاۋىپ تۋرالى الدىن الا ەسكەرتىلگەن. 

"استانا اۋەجايىنىڭ جولاعى قالىپتى جاعدايدا. مەنىڭ ويىمشا، ۇشاقتىڭ جولاقتان شىعىپ كەتۋىنىڭ سەبەبى —تارتىپسىزدىك پەن ۇشاق كومانديرىنىڭ، ەكيپاجدىڭ ۇشاقتىڭ دۇرىس قونباۋى جاعدايلارىنا نەمقۇرايلى قاراۋىنان بولدى. شەتكى جولاققا شىعىپ كەتۋ دەگەن وتە ءقاۋىپتى. ولار جاۋىندى اۋا رايى بولعاندىقتان، دىمقىل جەرگە كىرىپ كەتۋى مۇمكىن ەدى. وسى جەردە ءتىپتى ءورت بولۋى دا مۇمكىن ەدى"،-دەيدى ول.

ا.جولدىبايەۆتىڭ ايتۋىنشا، ۇشاق كومانديرى ەكىنشى اينالىم جاساۋى كەرەك ەدى. 200 شاقىرىم جەردە قاراعاندى اۋەجايى بار. بۇل جەردە كوماندير اۆياسيالىق ءتارتىپتى قۇرمەتتەمەي وتىر. الايدا بۇل تالاپتار، بىلايشا ايتقاندا "قانمەن" جازىلعان. ونداعى ءاربىر تارما ءقاۋىپتى اپاتتاردان كەيىن جازىلعان. مۇندا قانشا ادامداردىڭ ومىرلەرى تاۋەكەلگە تىگۋلى!

"باياعىدا شەتەلدەن ماماناردى الدىرتقاندا، ولاردىڭ ءارقايسىسىن جوعارعى اتتەستاسيالىق كوميسسيادا قارايتىنبىز. ءقازىر بۇل ورگان جابىلعان. ول ۋاقىتتا شاقىرىلعان مامانداردان 500 ساعاتتان كەم ەمەس تاجىريبە تالاپ ەتىلەتىن. ەگەر ۇشاق كومانديرىن شاقىرساق، وندا ول ا320 سياقتى ۇشاقتاردا 500 cاعاتتان كەم ۇشپاعان بولۋى ءتيىس ەدى. ەكىنشى ۇشقىشقا دا وسىنداي تالاپتار قويىلاتىن. Air Astana-نىڭ جۇمىس ىستەپ جاتقانىنا قانشاما ۋاقىت بولدى، ءبىز ءالى مامانداردى سىرتتان اكەلەمىز"،-دەيدى