گولوۆكين - الۆارەس جەكپە-جەگى قاشان جانە قايدا ءوتۋى مۇمكىن؟

/uploads/thumbnail/20180313143232742_small.jpg

سوڭعى مالىمەتتەر بويىنشا، كوماندالار اراسىندا جەكپە-جەكتى ۇيىمداستىرۋعا قاتىستى كەلىسسوزدەر جۇرگىزىپ جاتىر.

ب ا ق گولوۆكين مەن الۆارەستىڭ ەكىنشى جەكپە-جەگى ءوتۋى مۇمكىن جەرلەر مەن ۋاقىتتى اتادى، دەپ حابارلادى Vesti.kz

سوڭعى مالىمەتتەر بويىنشا، كوماندالار اراسىندا جەكپە-جەكتى ۇيىمداستىرۋعا قاتىستى كەلىسسوزدەر جۇرگىزىپ جاتىر. ازىرشە ناقتى مالىمەت جوق، الايدا بوكس سالاسىنىڭ ماماندارى ءوز ينسايدتارىن جاريالادى.

ماسەلەن، ESPN شولۋشىسى دەن رافاەل سۇحباتتارىنىڭ بىرىندە جەكپە-جەكتىڭ وتەتىن جەرى مەن ۋاقىتىن ايتىپ قالدى.

"مەن گولوۆكين - الۆارەستىڭ لاس-ۆەگاسقا ورالاتىنىنا كامىل سەنەمىن، كەزدەسۋ وتكەن جولعى T-Mobile ارەناسىندا وتەدى"،- دەپ كەلتىردى ونىڭ ءسوزىن boxingnews24.com.

اڭگىمە 15 قىركۇيەك جونىندە. بۇل كۇن مەكسيكانىڭ تاۋەلسىزدىك كۇنى مەرەكەسىنە سايكەس كەلەدى. ولاردىڭ ءبىرىنشى جەكپە-جەگى 16 قىركۇيەكتە وتكەن ەدى.

ەسكە سالا كەتەيىك، الۆارەس دوپينگكە قارسى ەرەجەلەردى بۇزعانى ءۇشىن التى ايعا شەتتەتىلدى. ول مەرزىم تامىزدا اياقتالىپ، ول 15 قىركۇيەكتە بوكسقا ورالا الادى.

گولوۆكين - الۆارەس ريەۆانشى 5 مامىردا ءوتۋى ءتيىس ەدى، الايدا مەكسيكالىق بوكسشى دوپينگكە قاتىستى داۋعا تاپ بولدى. گولوۆكين "كانەلونىڭ" ورنىنا ۆانەس مارتيروسيانمەن جۇدىرىقتاسىپ، ەكىنشى راۋندتا نوكاۋتقا ءتۇسىردى.

پىكىر قالدىرۋ

قاتىستى ماقالالار