الماتىدا حالىق قالاۋلىلارى ارداگەرلەردى قۇتتىقتادى.

ۇلى وتان سوعىسىنىڭ جەڭىسپەن اياقتال­عانىنا دا 73 جىل تولدى. بۇل  سول كەزدەگى كەڭەس حالقىنىڭ ەرجۇرەكتىلىگى مەن توزىمدىلىكتەرىن پاش ەتەتىن، تاريحتا ماڭگىلىك قالاتىن كۇن.

بۇل كۇندى سوعىستىڭ العى شەپتەرىندە قايسارلىقپەن شايقاس جۇرگىزىپ، ەرلىكتىڭ سان ۇلگىسىن كورسەتكەن ارداگەرلەر تويلايدى. بۇل مەيرامدى وزدەرىنىڭ تىلداعى قاجىرلى ەڭبەگىمەن جەڭىستى شىڭداعان تىل ەڭبەككەرلەرى تويلايدى. وسىنداي ارداگەر اپا-اتالارىمىزعا سىي-قۇرمەت كورسەتۋ، قاجەت ۋاقىتىندا جاندارىنان تابىلۋ ءبىزدىڭ پارىزىمىز. وسى ورايدا الماتى قالالىق ءماسليحات دەپۋتاتتارى ق.سارسەن­باي، ف.مەرحاميت­قىزى، ن.نيازوۆا، ز.كاسانوۆ «نۇر وتان» پارتياسى الاتاۋ اۋداندىق فيليالىنىڭ قىزمەتكەرلەرىمەن بىرگە «ارداگەرلەردى ارداقتايىق» پارتيا­لىق جوباسى اياسىندا اۋدانداعى بىرنەشە ارداگەرلەردى جەڭىس كۇنى مەرەكەسىمەن قۇتتىقتادى. ءماسليحات دەپۋتاتتارى ءوز تاراپتارىنان دايىنداعان سىيلىقتارىن تابىستاپ، ارداگەرلەردىڭ حال-جاعدايلا­رىن ءبىلىپ قايتتى. ارداگەر اپا-اتالارى­مىزدىڭ سۇراپىل سوعىس جىلدا­رىندا باستان كەشكەن قيىن كەزەڭ­دەرى مەن وقيعالارىن تىڭداپ، ولاردىڭ مايدانداعى ەرلىكتەرى مەن قايتپاس قايسارلىقتارى ەشقاشان ۇمىتىلماي­تىنىن جەتكىزدى. ءوز كەزەگىندە ارداگەر اپا-اتالارىمىز العىستارىن ءبىلدىرىپ، اق باتالارىن بەردى.