6 ماۋسىمدا لوندون قالاسىنداعى يورك-حولل ورتالىعىندا وليمپيادا چەمپيونى دانيار ەلەۋسىنوۆ كاسىبي بوكستاعى ەكىنشى جەكپە-جەگىن وتكىزەدى. بوكسشىنىڭ قارسىلاسى ازىرگە بەلگىسىز.

«حابار» تەلەارناسى بۇل كەزدەسۋدى 6 ماۋسىمنان 7 ماۋسىمعا قاراعان ءتۇنى ساعات 03.30-دا تىكەلەي ەفيردەن كورسەتەدى، دەپ حابارلايدى Qamshy.kz اقپارات اگەنتتىگى.

قازىرگى تاڭدا دانيار فلوريداداعى جاتتىعۋ الاڭىندا ءوزىنىڭ جەكە باپكەرى دجون-ديەۆيد دجەكسوننىڭ جەتەكشىلىگىمەن دايىندالىپ جاتىر. سونداي-اق تاياۋ ۋاقىتتا دانياردىڭ جاتتىعۋ الاڭىنا اكەسى، جاتتىقتىرۋشى مارات ەلەۋسىنوۆ پەن اعاسى، ورتا سالماقتا ونەر كورسەتەتىن، كاسىبي بوكسەر داۋرەن ەلەۋسىنوۆ تە قوسىلادى.

«فلوريدادا جاتتىعىپ، دجون-ديەۆيدتەن ساباق الۋ كەرەمەت. مەن كۇن سايىن جاقسى كاسىبي بوكسشى بولۋىما كومەكتەسەتىن جاڭا دۇنيەلەردى ۇيرەنىپ جاتىرمىن. 6 ماۋسىمداعى جەكپە-جەگىمدى اسىعا كۇتىپ ءجۇرمىن»، - دەپ وي ءبولىسىتى دانيار ەلەۋسىنوۆ.

«اۋەسقوي بوكستا ەڭ باستىسى – بال جيناۋ، ءبىراق مەن بۇل كەزدەسۋ بارىسىندا دانياردىڭ جيناقى، قاتال، قارسىلاسىنا سوققىلارىن بارىنشا ءدوپ تيگىزۋدى ويلاعانىن قالايمىن»، - دەيدى دجون-ديەۆيد دجەكسون.

دانيار كەزدەسۋىن جارتىلاي اۋىر سالماقتاعى WBA Continental جانە بريتاندىق سەرىكتەستىكتىڭ چەمپيونى بەلبەۋىنە تالاساتىن لوۋرەنس وكولي مەن ليۋك ۋوتكين اراسىنداعى جەكپە-جەكتىڭ الدىندا وتكىزەدى.