مامىر مەرەكەسى قارساڭىندا الماتى قالاسى وڭىرلىك كوممۋنيكاسيالار قىزمەتى الاڭىندا بيىلعى ءبىرىنشى توقساندا اتقارىلعان جۇمىستارعا وراي وتكەن بريفينگكە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى الماتى قالاسى بويىنشا دەپارتامەنتىنىڭ باسشىسى ايگۇل بايحانوۆا جانە اگەنتتىكتىڭ سىبايلاس جەمقورلىققا قارسى ۇلتتىق بيۋروسى الماتى قالاسى دەپارتامەنتىنىڭ باسشىسى ەرجان ىبرايىموۆ، ق ر پرەزيدەنتى جانىنداعى مەملەكەتتىك باسقارۋ اكادەمياسى الماتى قالالىق فيليالىنىڭ ديرەك­تورى دانا جانتەمىروۆا جانە قالالىق «سانالى ۇرپاق – جارقىن بولاشاق» جوبالىق كەڭسەسىنىڭ جەتەكشىسى قايىرجان توقىشيەۆ قاتىسىپ، ءارقايسىسى  ءوز سالالارىندا اتقارىلعان جۇمىستار تۋرالى جان-جاقتى ايتىپ بەردى.

اۋەلى دەپارتامەنت باسشىسى ايگۇل بەيبىتباي قىزىنىڭ ايتۋىنشا، بيىلعى ءبىرىنشى توقساندا وتكەن تەستىلەۋ سىناق­تارىنا بارلىعى 2189 ۇمىتكەر قاتىسىپ، ولاردىڭ ىشىندە 8ء-ى بەلگىلەنگەن ەرەجەنى بۇزۋ جاعدايى تىركەلگەن. سوعان وراي، تەستىلەۋدىڭ اشىقتىعى مەن ايقىندىعى جايلى 1989 ادامعا ءتۇرلى تاقىرىپتاعى الەۋمەتتىك ساۋالنامالار جۇرگىزىلىپ، سۇراۋ سالىنعانداردىڭ 91 پايىزى وزدەرىنىڭ تەستىلەۋگە قاناعاتتانعانىن بىلدىرگەن.

ءسويتىپ، 2018 جىلدىڭ العاشقى توقسا­نىندا جەرگىلىكتى مەملەكەتتىك ورگان­دارداعى بوس لاۋازىمدىق ورىندارعا 197 كونكۋرس جاريالانعان ەكەن. ولاردى وتكىزۋدىڭ اشىقتىعىن قامتاماسىز ەتۋ ماقساتىندا ءتۇرلى  قوعامدىق ۇيىمداردىڭ 71 وكىلىنەن (قوعامدىق قورلار، ۇكىمەتتىك ەمەس ۇيىمدار، ەتنومادەني بىرلەستىكتەر جانە ت.ب.) بايقاۋشىلار پۋلى قۇرىلىپتى. بايقاۋ­شىلاردىڭ ءتىزىمى بارلىق مەملە­كەتتىك ورگاندارعا جىبەرىلگەن.

«ال ەندى سىبايلاس جەمقورلىققا قارسى مادەنيەتتى قالىپتاستىرۋ ماقسا­تىندا قالادا 1017 ءاقپاراتتىق-تۇسىندىر­مەلىك ءىس-شارا – (2017 جىلدىڭ 1-توقسا­نىمەن (72) سالىستىرعاندا 14 ەسە ارتقان) ونىڭ ىشىندە، 729 – ساعات سىبايلاس جەمقورلىققا قارسى، 201 – ونلاين كونفەرەنسيا، 22 – دوڭگەلەك ۇستەل، 39 – سەمينار كەڭەس، 20 – سىبايلاس جەمقور­لىققا قارسى ءموبيلدى توپتىڭ 193 مىڭ 435 تۇرعىندى قامتىعان ەڭبەكتىك ۇجىمدارعا شىعۋى ۇيىمداستىرىلعان. ناتيجەسىندە 500-دەن اسا ادامعا كەڭەس بەرىلگەن.

سونداي-اق، وسى تۇرعىدا الەۋمەتتىك سىبايلاس جەمقورلىققا قارسى ءبىر بەينەروليك، تانىمال ارتىستەردىڭ قاتىس­ۋىمەن 2 ۆاين جاسالىپ، 80-نەن اسا الەۋمەتتىك سۇحباتتاسۋلار تۇسىرىلگەن. ودان بولەك، 10 ءتۇرلى بروشيۋرا 10 مىڭ دانا كولەمدە جۇرت اراسىنا تاراتىلعان. سونىمەن قاتار، حالىق كوپ جينالاتىن ورىندارعا 5 مىڭنان اسا سىبايلاس جەم­قورلىققا قارسى پلاكاتتار ىلىنگەن جانە قالا بويىنشا  42 باننەر مەن 40 لەد-ەكراندار ورنالاستىرىلعان. سوسىن ءقازىر قالاداعى ءىرى ساۋدا ويىن-ساۋىق ورتالىق­تارىندا، مەتروپوليتەندە، باعىتتىق اۆتوبۋستاردا، كينوتەاترلاردا وسى تۇرعىدا روليكتەر كورسەتىلىمى ءجۇرىپ جاتىر»، – دەدى، ايگۇل بايحانوۆا.

ال سىبايلاس جەمقورلىققا قارسى ۇلتتىق بيۋرونىڭ الماتى قالاسى بويىنشا دەپارتامەنتى باسشىسى ەرجان كەبەك ۇلى «سوڭعى ءۇش جىلدا ەلىمىزدە حالىقارالىق رەيتينگتەر بويىنشا تۇراقتى پروگرەسس پەن جەمقورلىققا قارسى ءىس-قيمىلدىڭ وڭ ديناميكاسى بايقالدى. مىسالى، قازاقستان سىبايلاس جەمقورلىقتى قابىلداۋدىڭ ترانسپە­رەنسي ينتەرنەشنل يندەكسى بويىنشا 140 ورىننان 122 ورىنعا كوتەرىلىپ، ءوز جۇ­مىسىن 18 ۇستانىمعا دەيىن جاقسارتتى. دەگەنمەن، بيىلعى جىلدىڭ تەك 3 ايىندا ءبىزدىڭ دەپارتا­مەنتپەن قانا 46 قىلمىستىق ءىس تىركەلىپ ۇلگەردى. بۇل رەتتە تىركەلگەن قىلمىستار بويىنشا جاسالعان تالداۋدىڭ سىبايلاس جەمقورلىق دەرەكتەرى  ىشكى ىستەر ورگان­دارى (14 ءىس نەمەسە 30،4 پايىز)، جەر­گىلىكتى اتقارۋ ورگاندار (7 ءىس – 15،2 پايىز) جانە مەملەكەتتىك كىرىستەر كوميتەتىنىڭ قۇرى­لىمدىق بولىمدەرىندە (4 ءىس – 8،7 پايىز) ءجيى كەزدەسەتىنىن كورسەتتى»، – دەپ اتاپ ءوتتى.

سونىڭ ناتيجەسىندە سىبايلاس جەم­قورلىق قۇقىقبۇزۋشىلىق جاساعانى ءۇشىن 25 ادام قىلمىستىق جاۋاپ­كەرشىلىككە تارتىلعان. «اتاپ وتەتىنى،   جەمقورلىق قۇقىقبۇزۋشىلىق جاساعان لاۋازىمدى تۇلعالار مارتەبەسى مەن دارەجەسىنە قاراماستان قاتاڭ جاۋاپكەرشىلىككە تارتىلادى. ويتكەنى، زاڭ الدىندا ءبارىمىز دە تەڭبىز!»، – دەپ ەسكەرتىپ ءوتتى سىبايلاس جەمقورلىققا قارسى ۇلتتىق بيۋرونىڭ قالالىق دەپارتامەنتى باسشىسى.