شاھار باسشىسى باۋىرجان بايبەك قالانىڭ جاس تۇرعىندارىنىڭ قۋانىشىنا قاتىسۋ ءۇشىن جەتىسۋ اۋدانىنداعى «قۇلا­گەر» ىقشاماۋدانىنا ورنالاسقان №148 مەكتەپ-گيمنازياسىنا ارنايى كەلدى. ال­دىمەن قالا اكىمى مەملەكەت باسشىسى­نىڭ «100 مەكتەپ، 100 اۋرۋحانا» باعدارلا­ماسى اياسىندا بوي كوتەرگەن قالامىزداعى ءتورت مەكتەپتىڭ بىرەۋى №148 مەكتەپتىڭ ءىشىن ارالاپ شىقتى.

زاماناۋي تالاپتارعا ساي تولىعىمەن جابدىقتالعان پاندىك كابينەتتەر، سپورت زالى، باي كىتاپ قورى بار مەكتەپ كىتاپحا­ناسى، اسحانا، بالالاردىڭ ساباقتان تىس ۋا­قىتتاردا دەمالۋلارى ءۇشىن بارلىق ءمۇم­كىندىكتەرى بار دەمالىس بولمەلەرى، قىسقى ب ا ق، سالاۋاتتىلىققا، سەرگەكتىككە باستاي­تىن باسسەين بارلىعى دا شاھار باسشىسى­نىڭ كوڭىلىنەن شىقتى. بۇگىنگىدەي تەحنولو­گيالار دامىعان داۋىردە كەز-كەلگەن بالا­نىڭ جاڭالىققا قىزىعۋشىلىعى باسىمى­راق ەكەنى بەلگىلى. بىلتىر مەكتەپتە  روبو­توتەحنيكا ۇيىرمەسى اشىلعان ەدى. قالا اكىمى وسىندا ىزدەنىپ جۇرگەن جاس ونەرتاپ­قىش­تار­دىڭ يننوۆا­سيا­لىق جوبالارىمەن تانى­سىپ، ولاردىڭ جۇمىستارىنا ساتتىلىك تىلەدى.

وسىدان سوڭ، استانانىڭ 20 جىلدىعى اياسىنداعى «ەل جۇرەگى استانا» دەپ اتالا­تىن سوڭعى قوڭىراۋ سالتاناتى باستالىپ تا كەتتى. ورتاعا ەلميرا قاشاۋلييەۆا جەتەك­شىلىك ەتەتىن 11 «ا» سىنىپ، ءقالبۇبى بەكە­نوۆا جەتەكشىلىك ەتەتىن 11 «ءا» سىنىبى جانە بايان امانقۇلوۆا جەتەكشىلىك ەتەتىن 11 «ب» سىنىپ وقۋشىلارى شىقتى. التىن ۇيامەن قوشتاسقالى تۇرعان وسىناۋ 73 تۇلەكتىڭ 16-سى «التىن بەلگىدەن»، 3-ەۋى «ۇزدىك اتتەس­تاتتان» ۇمىتكەرلەر.

ەندى ءبىر ءسات وقۋشىلار قولدارىن ءدۇر­سىلدەي سوققان سول جاق جۇرەك تۇستارىنا قويىپ قازاقستان رەسپۋبليكاسىنىڭ گيمنىن شىرقادى. بارشا مەكتەپ ءبىتىرۋشى تۇلەك­تەر­ءدى، ۇستازدار قاۋىمى مەن اتا-انالاردى باۋىرجان بايبەك ىزگى تىلەگىمەن قۇتتىق­تادى.

– جاڭا عانا مەكتەپ ءىشىن ارالاپ، تانى­سىپ شىقتىم. زاماناۋي تالاپتارعا ساي جابدىقتالعان مۋلتيمەديالىق كابينەت­تەر، دەمالىس بولمەلەرى، شاحمات، دويبى بۇ­رىشتارى، سونىمەن قاتار، قالامىز بويىن­شا 6 مەكتەپتە بار باسسەيندى كوردىم. وسىن­داي يگىلىكتەردىڭ ءبارى  ەلىمىزدەگى بىلىمگە جاسالىپ جاتقان قولداۋدى كورسەتسە كەرەك. ەلبا­سىمىزدىڭ تاپسىرماسى بويىنشا مەك­تەپتەردىڭ بارلىعى كەڭ جولاقتى ينتەر­نەتكە تارتىلعان. سىزدەرگە عالامتور­دىڭ كومەگىمەن ءبىلىم جۇيەسىندەگى، الەمدىك ءبىلىم كەڭىستىگىندەگى بارلىق جاڭالىقپەن تانىسۋ­عا مۇمكىندىك جاسالعان. بۇل رەتتە ەلبا­سىمىزدىڭ «سيفرلى قازاقستان» باعدارلا­ماسى وتە ماڭىزدى ءرول اتقارادى. جالپى، قالا بويىنشا دا بىلىمگە كەڭ قولداۋ جاسا­لىپ كەلەدى. الماتىنىڭ 6 جىل قاتارىنان ۇبت قورىتىندىسى بويىنشا ءبىرىنشى ورىن­دا تۇرۋى، ارينە، ۇستازدار سىزدەردىڭ ەڭبەك­تەرىڭىز، – دەگەن قالا اكىمى بيىل دا وقۋشى­لاردىڭ جازعى دەمالىسى ءۇشىن قالا بيۋد­جەتىنەن قوماقتى قاراجات بولىنگەنىن جەتكىزدى.

ءساتىن سالسا، قالا مەكتەپتەرىنىڭ جانى­نان اشىلعان جازعى لاگەردە 223 مىڭ بالا دەمالاتىن بولادى. قۇتتىقتاۋ ءسوزىن 11-سىنىپتارعا باعىتتاعان شاھار باسشىسى الداعى ۇبت سىناعىنان سۇرىنبەي ءوتىپ، كەز-كەلگەن ءومىر ەمتيحانىن تاپسىرۋعا دايىن بولۋعا شاقىردى. ۇلكەن ومىرگە قادام باس­قالى تۇرعان تۇلەكتەرگە ارناعان ءسوزىن تاماشا تامسىلمەن تۇيىندەدى.

– ادامنىڭ ومىردە ماقساتى بولماسا، ونىڭ ماعىناسىز ءومىر ءسۇرىپ جاتقانى، –  دەدى.

قۇتتىقتاۋ ءسوزىنىڭ سوڭىندا باۋىرجان بايبەك مەكتەپ ۇجىمىنا ۇلكەن تەلەدي­داردى سىيعا تارتتى. مەكتەپتىڭ مارتەبەسىن بيىكتەتىپ، اتىن اسپانداتىپ جۇرگەن دارىن­دى ۇل-قىز جەتەرلىك. سونداي ماقتاۋلى وقۋشىلاردىڭ سالتاناتتى شەرۋى دە ۇزدىك مەكتەپتىڭ كورسەتكىشىنىڭ كورىنىسى بولدى. حالىقارالىق وليمپيادا، عىلىمي جوبا، ونەر، سپورت بايقاۋلارىنىڭ جەڭىمپازى بولعان 50 وقۋشى ورتامەن ءجۇرىپ ءوتتى. تارىداي بولعان 1-سىنىپتىقتار دا ءبىر جىل ىشىندە وزدەرىنىڭ كوپ وقىپ، ۇيرەنگەندەرىن كورسەتتى. جۇرەكتەرى الىپ ۇشقان تۇلەكتەر مەكتەپ ماقتانىشى ايدانا مەدەۋلوۆانىڭ ورىنداعان «مەكتەپ ءۆالسى» ءانىنىڭ ىرعا­عىنا تەربەلە بيلەدى. مىنە، مەكتەپ ءبىتىرۋشى تۇلەكتەر ءۇشىن ەڭ ءبىر قيماستىق ءسات كەلىپ جەتتى. اۋلادا سوڭعى رەت سوعىلعان جەز قوڭىراۋدىڭ ءۇنى كەرنەدى.

سوڭعى قوڭىراۋ، سوڭعى قوڭىراۋ،

سىڭعىرلاپ ءۇنىڭ كوڭىلدە تۇر-اۋ، – دەگەن ءان جولدارى بيىككە قالىقتاپ، اپپاق كوگەر­شىندەردىڭ قاناتىنداعى تۇلەكتەردىڭ ارمانىن الىسقا الىپ كەتتى.

وسىلايشا «الماتى قالاسىنىڭ ورتا ءبىلىم بەرەتىن ۇزدىك ۇجىمى» بايقاۋىنىڭ، «ۇزدىك پەداگوگيكالىق ۇجىم»، بايقاۋ­لارىنىڭ جەڭىمپازى بولعان، اشىلعانىنا تۋرا 10 جىل تولىپ وتىرعان №148 مەكتەپ-گيمنازياسى ۇلكەن ءوزىنىڭ ومىرگە كەزەكتى  قارلىعاشتارىن ۇشىردى.