"الماتىدا ابايسىزدا قىز بالانى قاعىپ ولتىرگەن ءانۋار جانىبەكوۆ ءوز كىناسىن مويىنداپ، قىزدىڭ وتباسىنا كەلتىرىلگەن زالالدى وتەپ بەردى"،- دەيدى كىنالىنىڭ ادۆوكاتى. 

"كىناسىن مويىندادى. بولعان ىسكە قاتتى وكىنەدى. قازىرگى تاڭدا قايتىس بولعان قىزدىڭ اتا-اناسىمەن  تاتۋلاستىق. كەلتىرىلگەن شىعىندى وتەدىك. سوت باس بوستاندىعىنان ايىرۋدان باسقا جازا قولدانادى دەگەن ۇمىتتەمىز"،-دەدى ادۆوكات ءالىم مۇستافايەۆ جۋرناليستەرگە. 

سونىمەن قاتار ول راسىمدىك كەلىسىم جاسالماعانىن اتاپ ءوتتى. 

سوت پروسەسى كونۆوي سوتتالۋشىنى ۋاقىتىندا الىپ كەلمەگەنى ءۇشىن كەيىنگە قالدىرىلدى. 

اۆتوبۋس جۇرگىزۋشىسى قازاقستان رەسپۋبليكاسى قىلمىستىق كودەكسىنىڭ 345-بابى بويىنشا (كولىك قۇرالدارىن جۇرگىزۋ ەرەجەلەرىن بۇزۋ نەمەسە كولىك قۇرالدارىن باسقاراتىن تۇلعالاردىڭ كولىك قۇرالدارىن پايدالانۋ) ايىپتالدى.

ەستەرىڭىزگە سالامىز، جول-كولىك وقيعاسى اعىمداعى جىلدىڭ 18ء-شى ساۋىرىندە تولە بي جانە وتەگەن باتىر كوشەلەرىنىڭ قيىلىسىندا بولدى.126-شى اۆتوبۋس  جولدى كەسىپ بارا جاتقان قىزدى قاعىپ كەتكەن. العان جاراقاتىنىڭ اسەرىنەن قىز بالا وقيعا ورىنىندا قازا تاپقان.