«ەل-شەجىرە» قوعامدىق قورى الماتى قالاسى ىشكى ساياسات باسقارماسىنىڭ قولداۋىمەن «ەل جۇرەگى – استانا» اتتى ۇزدىك ۆاين بايقاۋىن وتكىزەدى.

بايقاۋدىڭ ماقساتى – استانا قالاسىنىڭ سوڭعى 20 جىلداعى جەتىستىگىن ۆاينەرلەر ارقىلى كورسەتۋ. بايقاۋعا الماتى قالاسىنىڭ كەز كەلگەن تۇرعىنى قاتىسا الادى.

تالاپتار:

• ۆاين مازمۇنى بەلگىلەنگەن تاقىرىپقا سايكەس بولۋى ءتيىس.
• ۆايننىڭ ۇزاقتىعى 60 سەكۋند.
• ءبىر قاتىسۋشى ۇسىناتىن ۆاينداردىڭ سانى 5-تەن اسپاۋى قاجەت.
• ۆايننىڭ تەحنيكالىق ساپاسى جوعارى دەڭگەيدە بولۋى كەرەك.
• قاتىسۋشى ۆايندى 2018 جىلدىڭ 1-شىلدەسىنە دەيىن Facebook، VK، Instagram الەۋمەتىك جەلىلەرىندە اشىلعان «ەل جۇرەگى – استانا» اتتى پاراقشالارعا ورنالاستىرۋى كەرەك. استىنا #استانا20جاستا حەشتەگىن مىندەتتى تۇردە جازۋدى ۇمىتپاڭىز.
• سونداي-اق ماتەريالدار ەلەكتروندى تۇردە ۇيىمداستىرۋشىلاردىڭ ەلەكتروندى پوشتاسىنا جولدانۋى ءتيىس. ماتەريالدار مەملەكەتتىك جانە ورىس تىلدەرىندە قابىلدانادى. بايقاۋعا ماتەريالداردى قابىلداۋدىڭ سوڭعى كۇنى – اعىمداعى جىلدىڭ 1-شىلدەسى. ۇسىنىلاتىن ماتەريالدارعا قاتىسۋشى تۋرالى قىسقاشا ءومىرباياندىق اقپارات، 3ح4 سم. سۋرەتى، ۇسىنىلعان ماتەريالدار ءتىزىمى قوسا بەرىلەدى.

جۇلدە:

• ءبىرىنشى ورىن – نوۋتبۋك.
• ەكىنشى ورىن – پلانشەت.
• ءۇشىنشى ورىن – سمارتفون.

جەڭىمپازدار الەۋمەتتىك جەلىدە ارنايى داۋىس بەرۋ ارقىلى انىقتالادى.