قازاقستان رەسپۋبليكاسى پرەمەر-مينيسترىنىڭ ورىنباسارى – قازاقستان رەسپۋبليكاسى اۋىل شارۋاشىلىعى ءمينيسترى ءو.شوكەيەۆ مەملەكەتتىك ازىق-تۇلىك باسقارماسى باستىعىنىڭ ورىنباسارى سزەن ليين حانىممەن كەزدەستى.

تاراپتار قازاقستان مەن جۇڭگو اراسىنداعى استىق سەكتورىنداعى ىنتىماقتاستىق ماسەلەلەرىن تالقىلادى.

سونىڭ ىشىندە، قازاقستاننان قحر-عا يمپورتتالاتىن استىقتىڭ كۆوتاسىن 2019 جىلى 500 مىڭ تونناعا دەيىن جانە 2020 جىلى 1 ملن. تونناعا دەيىن ۇلعايتۋ ماسەلەسىن تالقىلادى.

بۇعان قوسا، قازاقستاندىق تاراپقا قىتايدىڭ ىشكى استىق نارىعىنىڭ باسقا قاتىسۋشىلارى اراسىندا كۆوتا ءبولۋ ۇسىنىلدى.

قازىرگى ۋاقىتتا كۆوتالانعان استىقتىڭ 95% «COFCO» مەملەكەتتىك كومپانياسى تاراتادى.

State Administration of Grain (SAG) استىق سەكتورىنا جاۋاپتى قىتايدىڭ اكىمشىلىك مەملەكەتتىك مەكەمەسى. SAG ۇلتتىق ازىق-تۇلىك قاۋىپسىزدىگىن قامتاماسىز ەتۋ، استىق سەكتورىن دامىتۋعا جاردەمدەسۋ، استىقتى ماكرو-رەتتەۋدى جۇزەگە اسىرۋ، ورتالىق استىق قورىن باسقارۋ جانە حالىقارالىق ىنتىماقتاستىق پەن الماسۋدى جۇزەگە اسىرۋمەن اينالىسادى.