ەكسپو-2017 اۋماعىنداعى تۇرعىن ءۇي كەشەندەرى 1 ماۋسىمنان باستاپ ساتىلىمعا شىعادى. ءبىر شارشى مەتردىڭ باعاسى 399 مى 900 تەڭگە، ال ءبىر كولىك تۇراعىنىڭ باعاسى 699 مىڭ تەڭگە.

"بايتەرەك ديەۆەلوپمەنت" اق باسقارما ءتوراعاسىنىڭ ورىنباسارى اسقاربەك وسەربايەۆتىڭ ايتۋىنشا، نىسانداردىڭ ورانلاسقان جەرى قولايلى، قاباتتار سانى از جانە بولمەلەرى ىڭعايلى ورنالاسقان. اۋلاسىندا تۇرعىندار ءۇشىن بارلىق جاعداي جاسالعان.

پاتەرگە قول جەتكىزگىسى كەلەتىندەرگە تالاپ - جەكە تۇلعالار قازاقستان ازاماتى بولۋى ءتيىس، ال زاڭدى تۇلعالار قازاقستان اۋماعىندا قىزمەت ەتۋى جانە تىركەلگەن بولۋى كەرەك.

باسپانانى ازامات ءوز قاراجاتىمەن، تۇرعىن ءۇي قۇرىلىس جيناق بانكىنەن قارىز الۋ ارقىلى نەمەسە ەكىنشى دەڭگەيلى بانكتەن يپوتەكا راسىمدەۋ ارقىلى الادى.

سونىمەن بىرگە، تۇرعىن ۇيدەگى شوۋ-رۋمعا بارىپ، پاتەردىڭ ورنالاسۋىمەن تانىسىپ، مۇلىكتى ساتىپ الۋ بويىنشا اقىل-كەڭەس الۋعا بولادى.