قىزىلوردا وبلىستىق ىشكى ساياسات باسقارماسىنىڭ باسشىسى لاۋازىمىنا تالعات تولىباي ۇلى ماحانوۆ تاعايىندالدى، دەپ حابارلايدى Qamshy.kz اقپارات اگەنتتىگى.

بۇل تۋرالى قىزىلوردا وبلىسى اكىمدىگىنىڭ Facebook الەۋمەتتىك جەلىسىندەگى رەسمي پاراقشاسىندا حابارلاندى.

تالعات ماحانوۆ 1976 جىلى تۋعان. ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن «جۋرناليستيكا»، ماسكەۋ ەكونوميكا، ستاتيستيكا جانە اقپارات ۋنيۆەرسيتەتىن «قارجى جانە نەسيە» ماماندىقتارى بويىنشا بىتىرگەن.

ەڭبەك جولىن 1993 جىلى «باعىم» جاۋاپكەرشىلىگى شەكتەۋلى سەرىكتەستىگىنىڭ جۇمىسشىسى رەتىندە باستاعان.

1997-2007 جىلدارى «حابار» اكسيونەرلىك قوعامى مەن «قازاقستان» رەسپۋبليكالىق تەلەراديوكورپوراسياسىندا جاۋاپتى قىزمەتتەر اتقارعان.

2007-2015 جىلدارى قازاقستان رەسپۋبليكاسى اۋىل شارۋاشىلىعى مينيسترلىگىنىڭ باسپا ءسوز حاتشىسى، قازاق اگروتەحنيكالىق ۋنيۆەرسيتەتى باسپا ءسوز ورتالىعىنىڭ ديرەكتورى، قىزىلوردا وبلىسى اكىمدىگىنىڭ ءىس باسقارماسى ديرەكتورىنىڭ ورىنباسارى.

2015 جىلدان وسى كەزگە دەيىن قىزىلوردا وبلىسى اكىمىنىڭ كومەكشىسى لاۋازىمىندا قىزمەت اتقارىپ كەلدى.

تالعات تولىبايۇلىن جاڭا قىزمەتىمەن قۇتتىقتاي وتىرىپ، ابىروي مەن تابىس، ەل مۇددەسى ءۇشىن جاساعان ءار قادامىنا ساتتىلىك تىلەيمىز.