ديماش قۇدايبەرگەن اقتوبەدە وتكەن حالىقارالىق «باقىتتى بالا» بايقاۋىنىڭ گالا-كونسەرتىنە قاتىستى. كونسەرت اياقتالعان سوڭ ديماش قۇدايبەرگەن ەسترادا انشىلەرىن ءان ايتۋدى بالالاردان ۇيرەنۋگە شاقىردى، دەپ جازادى Qamshy.kz اقپارات اگەنتتىگى.
— مىنە، انە-مىنە دەگەنشە "باقىتتى بالا" اتتى ءبىرىنشى حالىقارالىق كونكۋرس اياقتالدى. وسى كونكۋرستان سوڭ-اق مەن ەسترادا ونەرىنىڭ شىنايى جارىق جۇلدىزدارى ءوسىپ كەلە جاتىر دەپ سەنىمدى تۇردە ايتا الامىن. كەيبىر "جۇلدىزدارعا" جاندى داۋىستا ءان شىرقاۋدى وسىنداي بالاپانداردان ۇيرەنىڭدەر دەگىم كەلەدى. ەگەر، وسى سوزىممەن ءبىرىڭىزدىڭ كوڭىلدەرىڭىزگە قاياۋ تۇسىرگەن بولسام، كەشىرىم سۇرايمىن، الايدا شىندىقتىڭ جولى سارا جول، ول ايتىلۋى ءتيىس، - دەپ جازدى ديماش قۇدايبەرگەن ءوزىنىڭ پاراقشاسىندا.
