جەلىدە وڭتۇستىك قازاقستان وبلىسىنىڭ اكىمشىلىك ورتالىعى شىمكەنت قالاسىنان تۇركىستان قالاسىنا كوشكەنى جايلى اقپارات تارادى. اقپاراتتىڭ راستىعىن انىقتاۋ ءۇشىن Qamshy.kz اقپارات اگەنتتىگى ءتىلشىسى وقو اكىمىنىڭ باسپا ءسوز قىزمەتىنىڭ جەتەكشىسى بەيسەن تاجىبايەۆپەن بايلانىستى.
تاجىبايەۆتىڭ ايتۋىنشا، اقپارات ءالى ناقتىلانباعان.
"بۇگىن كەشكى بەستە وڭتسۇتىك قازاقستان وبلىستىق ءماسليحاتىنىڭ سەسسياسى شاقىرىلىپ وتىر. "وڭتۇستىك قازاقستان وبلىسىنىڭ ورتالىعىن تۇركىستان قالاسىنا كوشىرۋ" ماسەلەسى سوندا تالقىلانادى. ال جەلىدە تارالىپ جاتقان پرەزيدەنت قاۋلىسى تەك جوبا عانا"، - دەدى بەيسەن تاجىبايەۆ Qamshy.kz اقپارات اگەنتتىگىنىڭ تىلشىسىنە.
ايتا كەتەيىك، بۇگىن شىمكەنت قالالىق ءماسليحاتىنىڭ كەزەكتەن تىس سەسياسىندا قالالىق اكىمدىك پەن ءماسليحات شىمكەنتكە رەسپۋبليكالىق ماڭىزى بار قالا مارتەبەسىن بەرۋ جونىندەگى شەشىمگە قول قويدى. ەندى بۇل قۇجات وڭتۇستىك قازاقستان وبلىستىق ءماسليحاتىنىڭ قاراۋىنا جىبەرىلدى.
