25 مامىر – ەلىمىزدەگى بارلىق ورتا ءبىلىم بەرۋ مەكەمەلەرى ءۇشىن ەرەكشە كۇن. ويتكەنى، ءدال وسى كۇنى كەزەكتى وقۋ ماۋسىمى اياقتالىپ، مەكتەپ وقۋشىلارى ءۇشىن سوڭعى قوڭىراۋ سوعىلادى.

بيىلعى سوڭعى قوڭىراۋ سالتاناتى سەمەي قالاسىنداعى فيزيكا-ماتەماتيكا باعىتىنداعى نازاربايەۆ زياتكەرلىك مەكتەبى ءۇشىن تاريحي وقيعا دەۋگە بولادى. سەبەبى، بيىل ءبىلىم وشاعى قابىرعاسىنان 12 سىنىپتى اياقتاعان العاشقى تۇلەكتەر ۇلكەن ومىرگە قاناتتانباق.
جالپى وسى جىلى مەكتەپتى 7-12-سىنىپ ارالىعىندا ءبىلىم الاتىن 693 وقۋشى ويداعىداي اياقتاپ وتىر. مەكتەپ ءبىتىرۋشى تۇلەكتەر سانى -137 بالا. ولاردىڭ 5ء-ۋى «التىن بەلگىگە»، 29-ى «ەرەكشە اتتەستاتتان» ۇمىتكەر.

قازىرگى كۇننىڭ وزىندە 14 تۇلەك شەتەلدىك جانە وتاندىق ماڭدايالدى وقۋ ورىندارىنىڭ گرانتتارىن ۇتىپ الدى.

ولاردىڭ اراسىندا گونكونگتاعى باپتيست ۋنيۆەرسيتەتى، ابۋ-دابيدەگى نيۋ-يورك ۋنيۆەرسيتەتى، لويولا مەريماۋنت ۋنيۆەرسيتەتى، تورونتو ۋنيۆەرسيتەتى، سانكت-پەتەربۋرگتەگى اقپاراتتىق تەحنولوگيا، مەحانيكا جانە وپتيكا ۇلتتىق زەرتتەۋ ۋنيۆەرسيتىنەن بولەك ەلىمىزدەگى حالىقارالىق بيزنەس ۋنيۆەرسيتەتى، اقپاراتتىق تەحنولوگيا حالىقارالىق ۋنيۆەرسيتەتى، كيمەپ سىندى ءبىلىم وشاقتارى بار.

بۇگىنگى وتكىزىلگەن سوڭعى قوڭىراۋ شاراسى ەلباسىمىز ن.ءا.نازاربايەۆتىڭ «رۋحاني جاڭعىرۋ» باعدارلاماسىنىڭ سونىمەن قاتار، ەلوردامىز استانانىڭ 20 جىلدىعى، «نازاربايەۆ زياتكەرلىك مەكتەپتەرى» دببۇ 10 جىلدىعى اياسىندا ورايلاستىرىلىپ وتىر.