2018 جىلدىڭ 13-15 شىلدەسىندە پەتروپاۆل قالاسىندا سەگىز سەرى باحرام ۇلىنىڭ 200 جىلدىعىنا وراي «ەر جانىبەك» حالىقارالىق قوعامدىق قورىنىڭ جانە سقو اكىمدىگىنىڭ ۇيىمداستىرۋىمەن دۇنيەجۇزى قازاق جاستارى اراسىندا شاعىن فۋتبولدان ءداستۇرلى «ER JANIBEK CUP-2018» ءتۋرنيرى وتەدى، دەپ حابارلايدى Qamshy.kz اقپارات اگەنتتىگى. 

ءىس-شارانىڭ باستى ماقساتى – الەم قازاق جاستارىنىڭ باسىن قوسۋ، ولاردىڭ اراسىنداعى قارىم-قاتىناستى نىعايتىپ، قازاقستانعا دەگەن سۇيىسپەنشىلىگىن ارتتىرۋ.

كەزەكتى تۋرنيرگە فرانسيا، گەرمانيا، يتاليا، تۇركيا، جۇڭگو، رەسەي، موڭعوليا، يران، وزبەكستان جانە قىرعىزستانداعى ەتينكالىق قازاق جاستارىنان قۇرالعان كوماندالار مەن قازاقستاننىڭ ءار وبلىسىنان كەلگەن شاعىن فۋتبول كوماندالارى ب ا ق سىناسادى.

جالپى جۇلدە قورى – 2 ميلليون تەڭگە. 1-ورىنعا 1 ملن تەڭگە، 2-ورىنعا 500 مىڭ تەڭگە، 3-ورىنعا 300 مىڭ تەڭگە، 4-ورىنعا 200 مىڭ تەڭگە كولەمىندە سىياقى تاعايىندالعان.

«ەر جانىبەك» حالىقارالىق قوعامدىق قورى مەن سولتۇستىك قازاقستان وبلىسىنىڭ اكىمدىگى الەمنىڭ ءار تۇكپىرىندەگى قازاق جاستارىن پەتروپاۆل قالاسىندا وتەتىن «ER JANIBEK CUP-2018» تۋرنيرىنە قاتىسۋعا جانە بارلىق ءقازاقتىلدى ب ا ق وكىلدەرىن اقپاراتتىق قولداۋ كورسەتۋگە شاقىرادى.