ماۋسىم ايىنان باستاپ شقو-نىڭ شالعايدا جاتقان اۋىلدارىنا ەكى كوشپەلى ءموبيلدى ورتالىقتار شىعاتىن بولادى. ونداعى ماماندار اۋىل حالقىن 12 ماماندىق بويىنشا دايىندايدى.

شقو جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ەلەنا ستارەنكوۆانىڭ ايتۋىنشا، مۇنداي ءموبيلدى ورتالىقتار ارقىلى ەلەكتر-گازبەن دانەكەرلەۋشى، جەمىس-كوكونىس ءوسىرۋشى، ەلەكتر قۇرالدارىن جوندەۋ مەن قىزمەت كورسەتۋ بويىنشا ەلەكترومونتەر، اسپاز-كونديتەر، ەلەكتر-ەسەپتەۋىش ماشينالاردى رەتتەۋشى، اياق كيىم تىگۋشى جانە مودەلەر-ۇلگىشى ماماندىقتارىن مەڭگەرۋگە بولادى.

-2018 جىلدىڭ 1 مامىرىنا جۇمىسپەن قامتۋ بويىنشا 13279 ادام كومەك سۇرادى. 12259 ادام ءار ءتۇرلى جۇمىستارمەن قامتىلدى، ونىڭ 10517ء-سى جۇمىسقا تۇردى، سونىڭ ىشىندە 6000 ادام تۇراقتى جۇمىس ورنىن تاۋىپ وتىر، — دەيدى ەلەنا ستارەنكوۆا.