استانا قالاسىنىڭ 20 جىلدىعىنا وراي ءوتىپ جاتقان وبلىس اكىمىنىڭ جۇلدەسىنە ارنالعان XXI حالىقتىق سپورت ويىندارىنىڭ اتشابارداعى ۇلتتىق ات سپورت ويىندارى مارەسىنە جەتتى.

جىلىنا ءبىر كەلەتىن ءدۇبىرلى دوداعا ءار اۋدان ءوزىنىڭ ەڭ ءۇمىتتى قىلقۇيرىقتارى مەن ءاپايتوس-تاستاقىم ازاماتتارىن اكەلىپتى.
قازاقتىڭ قانىن قىزدىراتىن كوكپار ويىنى بويىنشا اپتاعا جۋىق ايقاس ءجۇردى. تىماقتارىن جىمىرا كيگەن قىزۋ قاندى ازاماتتار ءوز اۋدانىنىڭ نامىسىن بەرمەۋ جولىندا بارىن سالدى. تالاي جىلدان بەرى تاقىمىنان سەركە بەرمەگەن بىرنەشە اۋدان بيىل جاڭا ەسىمدەرگە جول بەردى. سونىمەن ءبىرىنشى ورىندى وسكەمەن قالاسى مەن كوپەكتىنىڭ كوكجال نامىس جىگىتتەرى اكەتتى. تورەشىلەر ولاردى اقتىق ايقاسقا شىعارماستان وسىلاي شەشىم شىعارۋدى ءجون كورىپتى. ال ءۇشىنشى ورىن تارباعاتايلىق ازاماتتاردىڭ تاقىمىندا.
قىز قۋار بويىنشا كوپ سويلەۋدىڭ قاجەتى از، ويتكەنى وبلىس تۇرماق رەسپۋبليكادان قارسىلاس شىداتپاي جۇرگەن وسكەمەندىك ەركەناز بەن ريناتتىڭ جۇبىنا بۇل باسەكەدە دە ەشكىم شاق كەلمەدى.

ءۇش شاقىرىمنان ءسال عانا اساتىن ۇشقىر بايگەدە داۋلەت شايىرعازينوۆتىڭ تاقىمىنداعى «ۇشقىر» ەسىمدى كوكپەكتىلىك جەل تابان جەكە-دارا كەلدى. جۇلدەلى، قالعان ەكى ورىن شەمونايحانىڭ قوس جۇيىرىكتەرىنىڭ ەنشىسىنە جازىلدى. قازاق دەيتىن حالىقتىڭ سىر-سيپاتى مەن سال -سەرىلىگىن اسپەتتەيتىن جورعا جارىسىندا رۋفات ساپاشوۆ مىنگەن زىرياندىق جانۋار ءۇش اينالىم بويى الدىنا قارا سالماي، قالعاندارىنان وق بويى وزىپ كەلدى. ناعىز سۋ توگىلمەس اقپا جورعا دەستى جۇرت. ودان كەيىن اباي مەن وسكەمەننىڭ جورعالارى مارە سىزىعىن كەستى. جارىستىڭ قىزىعىن، ەلدىڭ ىقىلاسىن ارتتىراتىن تاعى ءبىر جارىس — ون بەس شاقىرىمدىق توپ بايگە. بۇل سىندا ءۇرجارلىق مەرحات ساپارعالييەۆ اۋىزدىقتاعان جۇيرىك كورەرەمەن كوز ايىمىنا اينالىپ، مارەدەن ءبىرىنشى ءوتتى. ەكىنشى، ءۇشىنشى ورىندار سەمەي مەن اياگوزدىڭ ەنشىسىندە كەتتى. ال ەلدىڭ كوپتەن كۇتكەن الامان بايگەسى، قىزىقتى جاعدايدا ءوتتى. ءدال ءتۇس الەتىندە وتكەندىكتەن بە، الدە جىلدامدىق سونشالىقتى قاتتى بولدى ما، 25 شاقىرىمعا ارنالعان ون اينالىمدى تەك جالعىز ات باعىندىردى. باسقا اتتاردىڭ كوبى جول ورتادان جارىستى اياقتاپ جاتتى. سونىمەن ازداپ داۋعا ۇلاسقان بايگەنىڭ ەكىنشى، ءۇشىنى ورىندارىنا ارنالعان جۇلدەلەردى جارما مەن تارباعاتايدىڭ اتبەگىلەرى ءبولىستى. ال، الامان بايگەگە تىگىلگەن اۆتوكولىكتى اياگوزدىك ەلجان ەربول ۇلى تاقىمداعان «كوگەرشىن» اتتى سايگۇلىك تالاسسىز اكەتتى. التىنشى اينالىمنان باستاپ الدىعا شىققان جانۋار ەكىنشى كەلگەن اتتى ءبىر اينالىم ارتقا تاستاپ كەلدى. جەڭىمپازعا اۆتوكولىكتىڭ كىلتىن وبلىس اكىمىنىڭ ءبىرىنشى ورىنباسارى ەرلان ايمۇقاشيەۆ تاپسىردى.