سەمەيدە ءاليا نازاربايەۆا قورىنىڭ ۇيىمداستىرۋىمەن «بىرگە جارقىرايمىز!» اتتى رەسپۋبليكالىق ەكولوگيالىق فەستيۆال ءوتتى.

سەمەيدىڭ تازا ءارى كورىكتى قالاعا اينالۋىن قالا تۇرعىندارىنىڭ بارلىعى ارماندايدى. وسىعان وراي  «بىرگە جارقىرايمىز!» اتتى فەستيۆالدى استانا قالاسىنان كەيىن  سەمەي جالعاپ وتىر.  رەسپۋبليكالىق فەستيۆال ەلىمىزدىڭ 16 قالاسىندا وتپەكشى.

قالاداعى №3 مەكتەپتە ۇستازدار، اتا-انالار قاۋىمى، بالاباقشالار، ۇكىمەتتىك ەمەس ۇيىمداردان بارلىعى اتاپ ايتقاندا، 50 ۇيىم باس بىرىكتىردى. ولار وزدەرىنىڭ ءارتۇرلى جوبالارىمەن، ديزايندارىمەن جانە ەكولوگيالىق تازالىق، ادام جانە تابيعات تازالىعى تۋرالى كوپتەگەن ۇسىنىستارىمەن ءبولىستى. جانە ءاليا نازاربايەۆانىڭ قاتىسۋىمەن تۇسىرىلگەن بالا تاربيەسى، مەكتەپتەگى ۇستاز بەن وقۋشى قارىم-قاتىناسى تۋرالى ءفيلمدى تاماشالادى.

-فەستيۆالدىڭ نەگىزگى ءماقساتى-بىزدىڭ قوعامداعى ەكولوگيالىق مادەنيەتتى ارتتىرۋ، قالانىڭ كوگالداندىرىلۋى، ادامداردىڭ ءوز ەلىنە دەگەن قۇرمەتى،-دەدى قالالىق قوعامدىق كەڭەس ءتوراعاسىنىڭ ورىنباسارى جاننا جيبرايەۆا.

سەمەيدەگى №3 مەكتەپتە وتكەن فەستيۆالگە قالا اكىمى ەرماك ءسالىموۆ جانە قوعامدىق ماڭىزى بار ۇسىنىستاردى دامىتۋ قورى ءتوراعاسىنىڭ ورىنباسارى تاتيانا نەمساندار قاتىستى.

سونداي-اق فەستيۆال اياسىندا قالاداعى اۆيسەننا كوللەدجىنىڭ ستۋدەنتتەرى اباي اتىنداعى كىتاپحانانىڭ اۋلاسىنا جاسىل شىرشا كوشەتتەرىن وتىرعىزدى. «بىرگە جارقىرايمىز!» رەسپۋبليكالىق فەستيۆالى جاستاردىڭ قاتىسۋمەن جالپى قالالىق سەنبىلىك وتكىزدى. وندا 500 جاس كوشەت وتىرعىزىلدى.