«ALTAI»ارناسى ءوزىنىڭ الپىس جىلدىعىن اتاپ ءوتتى. ءىس-شارادا سالا ارداگەرلەرى مەن ەڭبەككەرلەرى قۇرمەت گراموتالارىمەن جانە مەرەيتويلىق مەدالدارمەن ماراپاتتالدى.

1958 جىلى اشىلعان وسكەمەن تەلەستۋدياسى – ەلىمىزدەگى تۇڭعىش ايماقتىق ارنا. الپىس جىلدىق تاريحى ىشىندە ارنا جان-جاقتى دامىپ، زامان اعىسىنان قالمادى، قازىرگى كەزدە ارنا ۋاقىت تالابىنا ساي ءونىم شىعارۋدا. سوڭعى جىلدارى «قازاقستان-وسكەمەن»تەلەارناسى 2017 جىلعى رەبرەندينگتەن سوڭ «ALTAI» اتاۋىنا يە بولدى.

– «ALTAI» تەليەۆيدەنيەسى ءوڭىردىڭ سوڭعى الپىس جىلداعى ماڭىزدى وقيعالارىن ساقتاپ كەلەتىن شەجىرە. بۇگىندە ارنا ەلباسىنىڭ مىندەتتەرىن،مەملەكەتتىك ساياساتتى اۋقىمدى ناسيحاتتاپ كەلەدى. جاڭا ماۋسىمدا ارنادا تىڭجوبالاردىڭ پايدا بولعانى قۋانتىپ وتىر. اسىرەسە، «رۋحاني جاڭعىرۋ» باعدارلاماسى اياسىنداعى «رۋحتى التاي»، «قازىنا»، «لاتىن ءداۋىرى»، «التاي تۇلعالارى»، «قاسيەتتى التاي» سىندى جوبالاردا اتاۋعا بولادى. ارنا كونتەنتى وبەكتيۆتىلىك، جەدەلدىك جانە وزەكتىلىك سىندى پرينسيپتەرگە نەگىزدەلگەن، – دەپ اتاپ ءوتتى وبلىس اكىمىنىڭ ورىنباسارى اسەم ءنۇسىپوۆا.

ارنانى بۇگىندە تەك ءوڭىر تۇرعىندارى عانا ەمەس، سونداي-اق بۇكىل ەل تۇرعىندارى ءسۇيىپ تاماشالايدى. تاعى ءبىر اتاپ وتەرلىگى، ۇجىم ءاردايىم اعا بۋىننىڭ تاجىريبەسىن باسشىلىققا الىپ، سولاردان ۇيرەنىپ وتىرادى، بۇل – ۇرپاقتار ساباقتاستىعىنىڭ جارقىن ۇلگىسى.

جاس ماماندار كاسىبي تۇرعىدا وسىپ-وركەندەپ كەلەدى. ەفير جەتىلۋ ۇستىندە.

شاراعا ارنايى كەلگەن «قازاقستان» رترك» اق باسقارما ءتوراعاسىنىڭ كەڭەسشىسى، ارداگەر جۋرناليست نۇرتىلەۋ يمانعالي ۇلى وسكەمەن تەلەستۋدياسى حابارلارىن قازاق تەليەۆيدەنيەسىنەن ءسال ەرتەرەك تاراتا باستاعانىن ايتىپ،«قازاق تەليەۆيدەنيەسىنىڭ كىندىگى – شىعىستا» دەپ اتادى.

سالتاناتتى جيىندا تەلەارنانىڭ ءبىر توپ ارداگەرلەرى مەن ەڭبەككەرلەرى وبلىس اكىمىنىڭ، «قازاقستان» ۇلتتىق تەلەارناسىنىڭ گراموتالارىمەن جانە العىس حاتتارىمەن، «قازاق تەليەۆيدەنيەسىنە – 60 جىل» مەرەيتويلىق مەدالدارىمەن ماراپاتتالدى.