2017-2018 وقۋ جىلى باسىنداعى تىركەۋ بويىنشا وبلىستاعى 76 كوللەدجدە جانە ەكى مۋزىكالىق ۋچيليششەدە 35 مىڭ ستۋدەنت تەحنيكالىق جانە كاسىپتىك ءبىلىم الۋدا.

ستاتيستيكا دەپارتامەنتىنىڭ تالداۋلارى كورسەتكەندەي، ايماقتا ءبىر جىل ىشىندە تەحنيكالىق جانە كاسىپتىك ءبىلىمى بار 11،6 مىڭ  مامان دايارلانىپ شىعىپ، سونىڭ 6،9 مىڭى (تۇلەكتەردىڭ سانىنىڭ 59،1 پايىز جۇمىسقا ورنالاستىرىلعان كورىنەدى.

784 تۇلەك (6،7 پايىز جوعارى وقۋ ورنىندا جانە كوللەدجىندە وقيدى، سونىمەن بىرگە، ۇلتى قازاق  كوللەدج وقۋشىلارىنىڭ جالپى سانىنىڭ ۇلەسى 68%-دى قۇرايدى.

2017-2018 وقۋ جىلى باسىندا وبلىس بويىنشا سەگىز جوعارى ءبىلىم بەرۋ مەكەمەسى (ۋنيۆەرسيتەت، ينستيتۋت) جانە مەكەمەنىڭ دەربەس بولىمشەلەرى جۇمىس ىستەگەن. ستۋدەنتتەردىڭ جالپى سانى — 29 مىڭ ادام. وبلىس ستاتيستەرىنىڭ زەرتتەۋلەرى وتكەن وقۋ جىلىمەن سالىستىرعاندا وبلىستا جوو ستۋدەنتتەر سانى 4،9%-عا (كەرىسىنشە، وبلىستا ورتا وقۋ ورىندارىندا وقيتىندار سانى وتكەن وقۋ جىلىمەن سالىستىرعاندا 2،9%-عا كەمىگەن) ارتقانىن كورسەتەدى.

كوللەدج تۇلەكتەرىنىڭ 17%-عا جۋىعى قىزمەت كورسەتۋ، ەكونوميكا جانە باسقارۋ ماماندىقتارىن يگەرگەن بولسا، 14%-ى ءبىلىم، مەديسينا جانە فارماسيەۆتيكا ماماندىعىن، 10%-ى كولىك پايدالانۋ ماماندىعىن يگەرگەن.