وبلىستىق ىشكى ىستەر دەپارتامەنتىنىڭ كومانداسى ۆولەيبولدان كۇش قۇرىلىمدارى ارداگەرلەرى اراسىندا وتكەن ايماقتىق بىرىنشىلىكتە ءبىرىنشى ورىننان كورىندى.
وسكەمەندە ۇيىمداستىرىلعان جارىسقا بارلىعى 12 ۇجىم قاتىسىپ، اۋىسپالى كۋبوك ءۇشىن تالاس جۇرگىزگەن بولاتىن. تارتىستى دا قىزىقتى وتكەن جارىس قورىتىندىسى بويىنشا ءبىرىنشى ورىنعا، جوعارىدا ايتىلعانداي، وبلىستىق ىشكى ىستەر دەپارتامەنتىنىڭ كومانداسى يە بولدى. شەشۋشى ويىندا جارىس جەڭىمپازدارى وبلىستىق توتەنشە جاعدايلار دەپارتامەنتىنىڭ ۆولەيبولشىلارىنان باسىم ءتۇستى. ال ۇزدىك ۇشتىكتى «شىعىس» ايماقتىق قولباسشىلىعىنىڭ كومانداسى تۇيىندەدى.
تۋرنير سوڭىنان جەڭىمپازدار مەن جۇلدەگەرلەرگە جارىستى ۇيىمداستىرۋشىلاردىڭ اتىنان گراموتالار، سونداي-اق باعالى سىيلىقتار تاراتىلدى. ال بىرىنشىلىكتە توپ جارعان ءىىد كومانداسى اۋىسپالى كۋبوكقا يە بولدى.
