دەنساۋلىق ساقتاۋ ءمينيسترى ەلجان ءبىرتانوۆ قاسكەلەڭدەگى تۇرعىنداردىڭ جاعاسىن ۇستاتقان ينفەكسيالىق اۋرۋحانانىڭ جابىلۋىن تالاپ ەتتى.
«قاسكەلەڭدەگى ينفەكسيالىق اۋرۋحانانىڭ جايىن ايتار بولساق: جاعدايى تىم ناشار. سول سەبەپتى مەكەمەنى جاۋىپ، ناۋقاستاردىڭ قالالىق اۋرۋحاناعا كوشىرىلۋىن تاپسىردىم. قاسكەلەڭدەگى اۋرۋحاناعا بارعاندا انالارمەن سويلەستىم. ولار جەدەل-جاردەمدى 40 مينۋت بويى كۇتكەندەرىن ايتىپ شاعىمداندى. مەن باس دارىگەردىڭ اكىمشىلىك جاۋاپكەرشىلىككە تارتىلۋىن تاپسىرامىن، تالاپ ەتەمىن»، - دەدى ءبىرتانوۆ.
ايتا كەتەيىك، بۇعان دەيىن الماتى وبلىسىنىڭ تۇرعىنى قاسكەلەڭدەگى ينفەكسيالىق اۋرۋحانانىڭ جاعدايىن ۆيدەوعا ءتۇسىرىپ، جەلىدە جاريالاعان. ءسوزى سەنىمدى بولۋ ءۇشىن ايەل ءدالىز بەن دارەتحاناداعى سىنعان پليتكالاردى ءارى قۇلاۋعا شاق قالعان قابىرعالاردى كورسەتتى.
پىكىر قالدىرۋ