ۇلى جەڭىستىڭ 73 جىلدىعى قارساڭىندا سەمەي قالاسىنداعى فيزيكا-ماتەماتيكا باعىتىنداعى نازاربايەۆ زياتكەرلىك مەكتەبىندە ايتۋلى مەرەكە ءوتتى. جالىندى جاستىق شاقتارىن وتتى جىلدارعا ارناعان اعا بۋىن وكىلدەرى وسى ءبىلىم ورداسىندا قوناقتا بولىپ، وقۋشىلاردىڭ ارنايى دايىنداعان كوسەرتتىك باعادارلاماسىن تاماشالادى.

مەكتەپ شاكىرتتەرىنىڭ تەاترلاندىرىلعان ادەبي — سازدى كەشىنە ءابدىعالي قايمولدين، پەتر كولومين،عابدۋلعازيز احمەروۆ سىندى قارت جاۋىنگەرلەردەن بولەك، سەمەي قالاسى ارداگەرلەر كەڭەسىنىڭ ءتوراعاسى امانتاي دوعالاقوۆ تا قاتىستى. مەرەكەلىك كونسەرت اياسىندا ءان مەن بيدەن شاشۋ شاشىلىپ، سوعىس جىلدارىنا ارنالعان جىر شۋماقتارى وقىلدى. جوعارى سىنىپ وقۋشىلارى اسكەري قويان-قولتىق ۇرىس جاتتىعۋلارىن كورسەتىپ، كەش تومەنگى سىنىپ ۇلدارىنىڭ «دەن پوبەدى» انىمەن قورىتىندىلاندى. شارا سوڭىندا بارلىعى ەسەتەلىك سۋرەتكە ءتۇسىپ، دانا قاريالارىمىز وقۋشىلارعا وزدەرىنىڭ ريزاشىلىقتارىن ءبىلدىردى.