سالىقشىلار وزدەرىنىڭ تەكسەرىستەرىمەن مەملەكەتكە تاكسي جۇرگىزۋشىلەرىنىڭ نەمەسە كونتەينەردەگى ساتۋشىلاردىڭ تاپقان تابىسىنان دا از پايدا اكەلەدى، ەسەسىنە ول بيزنەسكە قيىندىق تۋدىرتادى – ءماجىلىستىڭ پلەنارلىق وتىرىسى اياسىندا «اق جول» فراكسياسىنىڭ كوشباسشىسى سالىق سالۋعا قاتىستى احۋالدى وسىلايشا سۋرەتتەپ بەردى.

- ەسەپ كوميتەتىنىڭ دەرەكتەرىنە سۇيەنسەك، تاۋەكەلدەردى باسقارۋ جۇيەسى بويىنشا كەزدەيسوق تەكسەرىستەر جۇرگىزگەن كەزدە، 78-دەن 369 كۇنتىزبەلىك كۇنگە دەيىن ەسەپتەلگەنگە دەيىنگى سوماسى 89،7 مىڭ تەڭگەدەن 714،0 مىڭ تەڭگەگە دەيىن قۇرادى. مۇنداي تەكسەرۋلەردىڭ ەكونوميكالىق تيىمدىلىگى كۇنىنە 2 مىڭ تەڭگەدەن اسپايتىن بولىپ شىقتى، - دەپ ول قاراپايىم اريفمەتيكانى كەلتىرىپ ءوتتى، - ەسەسىنە كاسىپكەرلەردىڭ شامادان تىس ۋاقىتىن الىپ، جۇيكەسىن توزدىرادى.

بۇل ناتيجەلەر ءتىپتى سول تەكسەرىس جۇرگىزۋشىلەردىڭ جالاقىسىن دا قامتىمايدى. «تاكسي جۇرگىزۋشىلەرى نەمەسە «باراحولكاداعى» كونتەينەردەگى ساتۋشىلار ولاردان كوبىرەك تابىس تابادى. مۇمكىن، ولاردى اسىراعانشا، ونىڭ ۇستىنە بيزنەسكە كەدەرگى جاساعاننان گورى، بيۋدجەت ءۇشىن مۇنداي مامانداردى قىسقارتىپ تاستاۋ الدەقايدا ءتيىمدى بولار ەدى»، - دەدى پەرۋاشيەۆ.

دەپۋتات سالىقشىلار «بەلگىسىز ءبىر سەبەپتەرمەن، كەيبىر كاسىپكەرلەردى كۇيرەۋدىڭ شەگىنە جەتكىزسە، ال ەندى باسقالارىنا اقىلعا سىيمايتىن مەيىرباندىق تانىتىپ جاتادى»، - دەپ ناقتى مىسالدار كەلتىردى. ماسەلەن، 2017 جىلى الماتى قالاسىنىڭ مەملەكەتتىك كىرىستەر دەپارتامەنتىمەن (مكد) جالعاندىق بەلگىلەرى بار مامىلەلەردى جۇزەگە اسىرعان 63 كونتراگەنتتىڭ ىشىنەن جالپى كولەمىنىڭ 7% مامىلە سوماسىندا 4 سۋبەكتى عانا تەكسەرىلگەن. ياعني، 94% بەلسەندى زاڭ بۇزۋشىلاردان ولاردىڭ ىس-ارەكەتتەرىنىڭ زاڭدىلىعى تۋرالى ەشكىم ءتىپتى سۇراماعان.

شىعىس قازاقستان وبلىسى بويىنشا مكد-مەن 88 انىقتالعان كونتراگەنتتەردىڭ 13ء-ى 5% مامىلەلەر سوماسىندا تەكسەرىلگەن، ال قاراعاندى وبلىسى بويىنشا مكد-مەن 43-تەن 15 كونتراگەنتتەر تەكسەرىلدى. ياعني، سالىقشىلار ەكى جاعدايدا دا تاعى 85% جانە 65% الەۋەتتى زاڭ بۇزۋشىلاردىڭ مازاسىن الۋعا سەسكەنگەن سىڭايلى.

كورىپ وتىرعاندارىڭىزداي، بۇل، ءتىپتى ەرەكشەلىك تە ەمەس، ال كەڭ تارالعان تاجىريبەگە اينالىپ بارادى.

الايدا، سونىمەن قاتار استانا جانە الماتى قالالىق، اقتوبە جانە وڭتۇستىك قازاقستان وبلىستىق مكد سالىقشىلارى 12،7 ملرد. تەڭگەگە قوسىمشا قۇن سالىعى (ققس) جانە كورپوراتيۆتىك تابىس سالىعى (كتس) بويىنشا كاسىپورىندارعا ەسكەرتۋ كولەمىن نەگىزسىز ارتتىرعان.

دەمەك، ادال ەمەس سالىق تولەۋشىلەر نازاردان تىس قالادى دا، ال ادال كاسىپكەرلەرگە ءار كەز سايىن كۇرەسىپ، «تۇيە ەمەس» ەكەنىن دالەلدەۋىنە تۋرا كەلەدى»، - دەپ اشىعىن ايتتى پەرۋاشيەۆ.

ماسەلە تەك سالىقتا عانا ەمەس، «سۇرقاي» سحەمالار بويىنشا جۇمىس ىستەيتىندەردە بولىپ وتىر – ولار وزدەرىن ەمىن-ەركىن سەزىنەدى، ادىلەتسىز باسەكەلەستىكتى تۋدىرادى جانە نارىقتا اشىق ءارى ادال جۇمىس ىستەيتىندەردى جانشىپ تاستايدى.

الايدا، كەرىسىنشە بولۋى ءتيىس: ءادىل جۇمىس ىستەيتىن بيزنەس ءۇشىن جەڭىل ءارى وڭاي بولۋى كەرەك. ال الاياقتاردى اشكەرەلەپ، ولاردى «ورنىنا قويۋ كەرەك» – دەپ تۇيىندەدى دەپۋتات.

اقپارات ءۇشىن: وزدەرىڭىزگە بەلگىلى بولعانداي، وسى الەۋمەتتىك جەلىلەردە ساۋلەتتى سارايدىڭ فوتوسى مەن ۆيدەوسى تاراتىلۋدا. بەينەجازبا اۆتورىنىڭ ايتۋىنشا، ونىڭ يەسى جاقىندا قاماۋعا الىنعان شىمكەنت قالاسى مەملەكەتتىك كىرىستەر دەپارتامەنتى باستىعىنىڭ ورىنباسارى بولىپ شىقتى.