نۇرسۇلتان نازاربايەۆ لي كەسياندى جۇڭگو مەملەكەتتىك كەڭەسىنىڭ پرەمەرى لاۋازىمىنا تاعايىندالۋىمەن جانە جۇڭگو حالىق رەسپۋبليكاسى كومپارتياسىنىڭ ءحىح سەزىنىڭ تابىستى وتۋىمەن قۇتتىقتادى، دەپ حابارلايدى Qamshy.kz اقپارات اگەنتتىگى.
قازاقستان پرەزيدەنتى ەكى ەل اراسىنداعى ساياسي جانە ەكونوميكالىق ارىپتەستىكتىڭ جاڭا دەڭگەيگە كوتەرىلگەنىنە توقتالىپ، ونىڭ ءوزارا ءتيىمدى ىنتىماقتاستىقتىڭ ۇلگىسى بولۋعا ءتيىس ەكەنىن ايتتى.
– مەن ءسىزدىڭ 2014 جىلعى جەلتوقسان ايىندا قازاقستانعا كەلگەن ساپارىڭىزدى ويىما الىپ وتىرمىن. سول كەزدە ءسىز ەلدەرىمىز اراسىنداعى بىرلەسكەن يندۋستريالدى-ينۆەستيسيالىق باعدارلامانى جۇزەگە اسىرۋ ءۇشىن وتە قىزىقتى ءارى باتىل يدەيالار ۇسىندىڭىز. وسى باستامانىڭ ارقاسىندا سىزبەن بىرگە جالپى كولەمى 28 ميلليارد دوللاردى قۇرايتىن 51 جوباعا قول قويدىق. سولاردىڭ 11ء-ى جۇزەگە اسىرىلىپ جاتىر، – دەدى نۇرسۇلتان نازاربايەۆ.
سوڭىندا تاراپتار ەنەرگەتيكا، كولىك جانە اۋىل شارۋاشىلىعى سالالارىنا قاتىستى ءوزارا ىنتىماقتاستىق ماسەلەلەرىن تالقىلادى.
