الماتى وبلىسىندا 111 جاساعى زەينەتكەر 80 جىلدان بەرى قۇجاتسىز ءومىر ءسۇرىپ جاتىر. يۋريي رەپين ءتولقۇجاتىن 1933 جىلى جوعالتىپ العان. قۇجاتتارىن قايتا جاساتۋ ءۇشىن بارماعان جەرى جوق كورىنەدى، ءبىراق  ناتيجە بولماعان.

بۇل جايىندا استانا تۆ حابارلادى.

— مەن ۆلاديۆوستوكتان 1933 جىلى وسىندا كەلە جاتتىم. مەنىڭ قۇجاتتارىمدى الىپ قويدى. اسكەري بيلەتىم دە، قۇجاتىم دا سولاردا كەتتى. مەن ءقازىر زەينەتاقى المايمىن، - دەيدى يۋريي رەپين.

ءقازىر زەينەتكەر ازاماتتىق نەكەدەگى ايەلىنىڭ زەينەتاقىسىنا ءومىر ءسۇرىپ وتىر. ايىنا – 30 مىڭ تەڭگە. 25 مىڭىن پاتەرگە تولەيتىن كورىنەدى.

يۋريي رەپيننىڭ ايتۋىنشا، ول جىلدار بويى قۇجاتتارىن جاساتقىسى كەلگەن. وعان ءتىپتى ەرىكتىلەر دە كومەكتەسكەن ەكەن. الايدا، ناتيجە بولماعان.

اۋدان اكىمدىگىندەگىلەر زەينەتكەردىڭ جاعدايىمەن تانىس ەكەندەرىن ايتقان.

— الداعى ۋاقىتتا قۇجاتتارى جاسالادى، - دەيدى شەنەۋنىكتەر.