روسكومنادزوردىڭ تەلەگرامدى بۇعاتتاۋعا باعىتتالعان ءتۇرلى ارەكەتتەرىنە قاراماستان قازاقستاندىقتار مەن رەسەيلىكتەر بۇل مەسسەندجەردى قولدانۋدىڭ ۇتىمدى تاسىلدەرىن پايدالانىپ ءجۇر. وسى ورايدا نازارلارىڭىزعا قازاقستانداعى ەڭ تانىمال 20 تەلەگرام كانالدىڭ ءتىزىمىن ۇسىنامىز. ايتا كەتۋ كەرەك، ءتىزىمنىڭ العاشقى بەستىگىنە بەلسەندى ۆاينەرلەر جايعاسقان.
1. Bayzakova
جازىلۋشىلارىنىڭ سانى: 100 777
العاشقى ورىنعا جەلىنى جاعىمسىز قىلىقتارىمەن جاۋلاپ العان ايجان بايزاقوۆا جايعاستى. كەرى بايلانىس ورناتىلماعان تەلەگرام كانالى ايجان ءۇشىن ىڭعايلى جەلىگە اينالدى. ول مۇندا ءوز سۋرەتتەرىمەن بولىسەدى، ويلارىن ورتاعا سالادى. Instagram پاراقشاسىنان ارتىقشىلىعى مۇندا بايزاقوۆانى ەشكىم بۇعاتتامايدى. حەيتەرلەر دە مازاسىن المايدى.
2.BIRZHAN ASHIM’S BLACK
@birzhanashim
جازىلۋشىلارىنىڭ سانى: 74 249
ءبىرجان ءاشىمنىڭ كانالىنا استارلى ءارى ۋىتتى ازىلدەردى تۇسىنبەيتىن جانداردىڭ باس سۇقپاعانى ءجون. ول ءوز كانالىندا كوبىنەسە وقۋشى كەزىندەگى باستان كەشكەن قىزىقتارىن باياندايدى.
3.Yuframe
جازىلۋشىلارىنىڭ سانى: 49 731
ۆاينەرلەر تەلەگرامعا تىركەلۋ ارقىلى Facebook پايدا بولعاندا تانىمال بولا باستاعان قولدانۋشىلاردى ەكىنشى ساتىعا ىعىستىرىپ جىبەردى. Youframe – بۇل ۇردىسكە ۇلكەن مىسال بولا الاتىن كوماندا. وزدەرىنىڭ كانالدارىندا توپ مۇشەلەرى شىعارماشىلىقتاعى جاڭالىقتارىمەن، ءتۇسىرىلىم كەزىندەگى قىزىقتارىمەن بولىسەدى.
4.ناگيگرام
جازىلۋشىلار سانى: 44 869
Instagram-دى ءوزىنىڭ قاراپايىم عانا بولمىسىمەن، بويىنداعى ەنەرگەتيكاسىمەن جاۋلاپ العان ناعيما ءوز كانالىندا باسىنان وتكەن ءتۇرلى كەزدەسۋلەردەگى شىتىرمان وقيعالارىمەن، ساياحات كەزىندەگى تاپ بولعان قىزىقتارىمەن بولىسەدى. سونىمەن قاتار ناعيما مۋزىكاعا بەيىم. كانالىنا پيانينودا ويناعان ۆيدەولارىن جۇكتەپ، ەرەكشە اسەر قالدىرادى.
5. RASHEV
جازىلۋشىلار سانى: 36 198
راشيەۆ العاشقى بەستىكتى قورىتىندىلايدى. جىل باسىندا ونىڭ كانالى قازاقستانداعى ۇزدىك تەلەگرام-كانال بولاتىن. العاشقىدا كىتابىنان ءۇزىندى جاريالاسا، كەيىننەن كريپتوۆوليۋتا قولدانۋداعى تاجىريبەسىمەن بولىسە باستادى. ءقازىر ساياحاتتاۋ بارىسىنان قىسقاشا ەسكەرتپەلەر جاريالاي باستادى. كەيدە جاقسى مۋزىكامەن بولىسەدى. مەملەكەتتى سىناۋدان دا قاشپايدى.
6. ALIBEKOV
جازىلۋشىلار سانى: 27 028
بەيبىت الىبەكوۆ ينستاگرامدا ءوزىنىڭ بيزنەسىن جۇرگىزسە، تەلەگرامدا الەۋمەتتىك ماسەلەلەردى قوزعايدى. سونىمەن قاتار، الماتى قالاسىنىڭ جاڭالىقتارىمەن تۇراقتى ءبولىسىپ وتىرادى.
7. Alisher Yelikbayev Live
جازىلۋشىلار سانى: 17 315
الىشەر ەلىكبايەۆ تەلەگرامدا ينستاگرام مەن فەيسبۋككە قاراعاندا ساركازم مەن يرونياعا تولى جازبالار جاريالايدى. وسى ءۇشىن دە ونىڭ كانالى وقىرماندار ءۇشىن ەڭ قىزىقتى لەنتالاردىڭ ءبىرى سانالادى.
8. Bayan Maxatkyzy
جازىلۋشىلار سانى: 14 388
وتاندىق شوۋ بيزنەستىڭ ەڭ تانىمال وكىلى، پروديۋسەر بايان الاگوزوۆا تەلەگرام كانالىندا وقىرمان نازارىنا اۆتورلىق كىتابىنان ۇزىندىلەر ۇسىنادى. سونىمەن قاتار، قول استىنداعى ونەر جۇلدىزدارى تۋرالى دا اقپارات بەرىپ وتىرادى. بايان ماقسات قىزى تەلەگرام پايدا بولعالى توپ-10 تىزىمىنە ەنگەن. ازداپ بەلسەندىرەك بولسا توپ-5 قاتارىنان كورىپ قالۋىمىز دا ىقتيمال.
9. Q3 CHANNEL (Kairat Kudaibergen)
جازىلۋشىلار سانى: 12 507
قايرات قۇدايبەرگەننىڭ سوڭعى كەزدەرى تەلەگرامداعى بەلسەندىلىگى تومەندەپ كەتكەنىمەن، كوپ وقىلاتىن كانالدار تىزىمىندە. كوبىنەسە بيزنەس تاقىرىبىنداعى ويلارىمەن بولىسەدى. ءوزىنىڭ «ترانسفورماتور كازاحستان» بيزنەس كلۋبىنىڭ جاڭالىقتارىن تەلەگرامدا عانا ەمەس ينستاگرامدا دا بەلسەندى تۇردە جاريالايدى
10. كانات بەيسەكەيەۆ
جازىلۋشىلار سانى: 12 124
تەلەگرام پايدا بولعالى جەلى قولدانۋشىلارى قانات بەيسەكەيەۆتى تالانتتى فوتوگراف رەتىندە عانا ەمەس، اڭگىمەشىل ازامات رەتىندە تاني باستادى. قانات تەلەگرامدا بالالىق شاعى، ساياحات، فيلمدەردىڭ باستى كەيىپكەرلەرىمەن كەزدەسۋى تۋرالى باياندايدى.
11. SULTANKYZY
جازىلۋشىلار سانى: 9342
ءلايلا سۇلتان قىزىنىڭ تەلەگرامى قازاق تىلىندەگى ەڭ ۇزدىك كانالداردىڭ ءبىرى. ول ءوز كانالىندا تەليەۆيزيالىق جوبالارى تۋرالى ءجيى جازادى. كوبىنەسە وتاندىق شوۋ-بيزنەستىڭ اينالاسىنداعى تاقىرىپتاردى قوزعايدى. سونىمەن قاتار وقىرماندار اراسىندا ساۋالنامالار جۇرگىزەدى.
12. نۋرلان بايديلدا
جازىلۋشىلار سانى: 9398
ەگەر ءسىز كەز-كەلگەن جەتىستىككە تەندەر ارقىلى جەتۋگە بولادى دەپ ەسەپتەسەڭىز، نۇرلان ءبايدىلدانى وقىڭىز. ول قازاقستاننىڭ تۇكپىر-تۇكپىرىندە تەندەر تاقىرىبىندا شەبەرلىك سىنىپتارىن وتكىزەدى. بيزنەس سالاسى بويىنشا ءتۇرلى ادەبيەتتەردى وقۋعا ۇسىنادى.
13. دجوحار ۋتەبەكوۆ، ادۆوكات
جازىلۋشىلار سانى: 7620
دجوحار ۋتەبەكوۆ قازىرگى تاڭدا تەك زاڭ جونىندە جازبايدى. الەۋمەتتىك ماسەلەلەردى ءجيى كوتەرەدى. اسىرەسە الماتىداعى قوعامدىق كولىك ماسەلەسىن ءجيى قوزعايدى. سونىمەن قاتار ۋتەبەكوۆتى كوپشىلىك سوڭعى كەزدە قالاداعى قوعامدىق ورىندارداعى ورتكە قارسى قاۋىپسىزدىكتى ءجىتى باقىلايتىن ازامات رەتىندە تانىپ ءجۇر. دجوحاردىڭ پاراقشاسى – الماتىلىقتار ءۇشىن پايدالى اقپارات كوزى سانالادى.
14. BALGABAEV
جازىلۋشىلار سانى: 6151
ەگەر سىزگە كۇن سايىن ماعىنالى قالجىڭ مەن پوزيتيۆ جەتىسپەسە مىندەتتى تۇردە رينات بالعابايەۆتىڭ كانالىنا جازىلىڭىز. يرونيا مەن ماعىنالى ءازىل – ەلدە بولىپ جاتقان جاعدايعا دۇرىس كوزقاراس قالىپتاستىرۋعا كومەكتەسەدى. بۇل ءۇردىستى ريناتتىڭ پاراقشاسىنان ۇيرەنۋگە بولادى.
15.Saniya Ilyassova
جازىلۋشىلار سانى: 5877
ۆيزاجيست، "Saniya Ilyassova" سالون جەلىلەرىنىڭ نەگىزىن قالاۋشى، ىسكەر ارۋ ءسانيا ءىلياسوۆا ءوز كانالىن بيزنەسىن جۇرگىزۋ ءۇشىن پايدالانبايدى. ول مۇندا كوبىنەسە ءوز ويلارىن، ومىرگە دەگەن كوزقاراسىن ورتاعا سالادى. ءوزىنىڭ ايتۋىنشا تەلەگرام – جان دۇنيەنى اقتارۋعا ارنالعان مەسسەندجەر.
16. Ablay Yussupov
جازىلۋشىلار سانى: 5449
ابىلاي يۋسۋپوۆ - Upgrade Group ءبىلىم بەرۋ كومپانياسىنىڭ ديرەكتورى ءارى نەگىزىن قالاۋشى. ول سمم جانە ماركەتينگ سالاسىندا جۇمىس ىستەيدى. ونىڭ كانالىندا پايدالى دايدجەستتەردىڭ توپتاماسىنا، بيزنەس تۋرالى ادەبيەتتەر تىزىمىنە، جۇمىستا بەلسەندى بولۋعا ارنالعان كەڭەستەرگە، ناتيجەگە جۇمىس ىستەۋ تۋرالى پايدالى اقپاراتتارعا قول جەتكىزۋگە بولادى. ابىلاي يۋسسۋپوۆ ءوزىنىڭ پاراقشاسىن قاراپايىم، كوپتىڭ كوڭىلىنەن شىعاتىن ىڭعايلى فورماتتا جۇرگىزەدى.
17. Kaliyev Channel
جازىلۋشىلار سانى: 5145
تالعات قالييەۆ جەكە كانالىندا ساياسي وقيعالارعا ساراپتاما جۇرگىزەدى. بۇل - قازاقستانداعى دەپۋتات، مينيستر سىندى شەندىلەرمەن سۇحباتتار جاريالاناتىن جالعىز كانال. تالعات قالييەۆ بۇرىن جۋرناليست بولعاندىقتان جازۋ جاعى وعان قيىندىق تۋدىرمايدى. ول كوپشىلىك ءۇشىن ىقشام ماتىندەرمەن ەكسكليۋزيۆتى اقپاراتتاردى ءجيى جاريالايدى.
18. YEDILOV ONLINE
جازىلۋشىلار سانى: 4583
قازاقستانداعى تاعى ءبىر ساياسي كانال ەربول ەدىلوۆكە تيەسىلى. ول GR Consulting Group كومپانياسىنىڭ باسشىسى. كادرلىق اۋىس-تۇيىستەر، شەنەۋنىكتەردىڭ تۋعان كۇنى، رەيتينگتەردى ەدىلوۆ قاشاندا ەڭ ءبىرىنشى بولىپ جاريالايدى.
19. Versus Club
جازىلۋشىلار سانى: 4266
بيزنەس جۇرگىزۋ مەن تۇلعالىق دامۋ جونىندەگى ەڭ تانىمال ءارى ەڭ ساپالى كانالدى قۋانىش شونباي جۇرگىزەدى. ول تۇراقتى تۇردەگى ىزدەنىستىڭ ناتيجەسىندە بيزنەس كولەمىن ۇلعايتقان تابىستى ازاماتتاردىڭ ءبىرى. كانالىندا بيزنەستەگى تاجىريبەسىمەن تۇراقتى ءبولىسىپ وتىرادى.
20.Orken Kenzhebek Live
جازىلۋشىلار سانى: 3212
سوڭعى كەزدەرى وركەن كەنجەبەكتىڭ تەلەگرامداعى بەلسەندىلىگى تومەندەپ كەتتى. الايدا وقىرماندار ونىڭ جاريالانىمدارىن تاعاتسىزدانا كۇتەدى. كوبىنەسە الەمدىك ءىرى كومپانيالاردىڭ بيزنەس كەيستەرى تۋرالى جازادى. سونىمەن قاتار، ءداستۇر، ساياحات سىندى تانىمدىق تاقىرىپتاردا دا قالام تەربەيدى.
اۋدارعان: ارايلى جاقسىلىق
