جەرگىلىكتى NZZ گازەتىنىڭ 16 ماۋسىمدا جاريالانعان «كولەڭكەلى اقشانى زاڭداستىرۋ: وزبەكستانعا ارنالعان ميلليون» دەگەن ماقالادا گۇلنار كارىموۆاعا تيەسىلى بولعان بانكتە بۇعاتتاۋلى 800 ملن فرانكتىڭ 686،7 ميلليونىن تەز ارادا تاشكەنتكە قايتارۋ جونىندە پروكۋراتۋرا شەشىمى شىققانى جازىلعان.
شۆەيساريا پروكۋراتۋراسىنىڭ وردەرىندە گۇلنار كارىموۆانىڭ ءاتى-جونى ايتىلماعان. قۇجاتتا تەك گۇلنار كارىموۆانىڭ بۇرىنعى كۇيەۋىنە جانە جاقىن ارىپتەسىنە تيەسىلى اقشانى قايتارۋ جونىندە جازىلعان.
ءبىراق جوعارىداعى ەكى ادامنىڭ ءاتى-جونى تولىق اشىلمايدى. الايدا ولاردىڭ كاريموۆانىڭ بۇرىنعى ازاماتتىق كۇيەۋى رۋستام مادۋماروۆ پەن گۇلناردىڭ جەكە كومەكشىسى گايانە اۆاكيان ەكەنىن انىق. گۇلنار كارىموۆانىڭ بيزنەس-يمپەرياسىنداعى ماڭىزدىڭ ادامدار بولىپ كەلگەن ەكەۋى دە ءقازىر وزبەك سوتىنىڭ شەشىمىمىەن 14-13 جىلعا سوتتالىپ، وزبەكستاندا جازالارىن وتەپ جاتىر.
شۆەيساريا وردەرىندە رۋستام مادۋماروۆ پەن گايانە اۆاكيان وزدەرىنە تاعىلعان بارلىق ايىپتار بويىنشا كىنالارىن مويىنداعان. ولار بانكتە بۇعاتتاۋلى اقشالارىن وزبەك بيلىگىنە قايتارۋدى سۇراعان.
شۆەيساريا پروكۋراتۋراسى تەرگەۋدىڭ جاۋاپتارىنا سەنىپ، وزبەكستانعا تەز ارادا جەنيەۆا مەن سيۋريح بانكتەرىندە جاتقان رۋستام مادۋماروۆ پەن گايانە اۆاكياننىڭ ەسەپشوتىنداعى 866.7 ملن فرانكتى (700 ملن اقش دوللارى) قايتارۋ جونىندە شەشىم شىعارعان.
گۇلنار كاريموۆانىڭ شۆەيسارياداعى ادۆوكاتى گرەگوير مانگەت بۇل شەشىمدى زاڭ بۇزۋشىلىق دەپ اتاعان. ول مۇنداي شەشىمدى تەك سوت شىعارۋ كەرەك دەپ ەسەپتەيدى. مۇنان بولەك ادۆوكات وزبەك تۇرمەسىندە جاتقان مادۋماروۆ پەن اۆاكياننىڭ ءوز ەرىكتەرىمەن ءوتىنىش بەرگەنىنە كۇمان كەلتىرەدى.
ادۆوكات شۆەيسار جۋرناليستەرىنە 25-26 ساۋىردە گۇلنار كارىموۆامەن كەزدەسكەنىن، ونىڭ وزىنە تاعىلعان ايىپتاردى جوققا شىعاراتىنىن جانە بۇرىنعى ارىپتەستەرىن ازاپتاۋ ارقىلى وزبەك بيلىگى ءتيىمدى جاۋاپ العان دەپ ەسەپتەيتىنىن مالىمدەگەن.
