شۋ ستانسياسىنىڭ ماڭىندا رەلستەن شىعىپ كەتكەن استانا-الماتى پويىزىن باسقارعان ميشينست ۇستالدى.
ماشينيستەردەن بولەك كەزەكشىلىكتە بولعان تەمىرجول قىزمەتشىلەرىنىڭ ءبارى تەرگەلدى.
«قازاقستان تەمىر جولى» مالىمدەگەندەي، اپاتتان زارداپ شەككەندەردىڭ بارىنە وتەماقى تولەنەدى.
ايتا كەتەيىك، بۇدان بۇرىن شۋداعى پويىز اپاتى سالدارىنان قازا تاپقانداردىڭ بارى جايلى اقپارات تارادى. قازا تاپقان 12 جاستاعى بالانىڭ دەنەسى تۋعان جەرىنە جەتكىزىلدى. الەكسەي مەلنيەۆ قاراعاندى وبلىسىندا بۇگىن جەر قوينىنا تاپسىرىلادى. ال اپاتتان زارداپ شەككەن تاعى ءبىر جولاۋشىعا كەشە وتا جاسالدى. 48 جاستاعى استانا تۇرعىنىنىڭ ءحالى ءقازىر جاقسى. پويىزدا بولعان جولاۋشىلاردىڭ 10-نان استامى دارىگەرگە قارالدى.
17 ماۋسىمدا ساعات 13:25 شاماسىندا سارى-شاعان - شۋ ستانسياسىندا استانا-الماتى باعىتىنداعى جولاۋشىلار پويىزىنىڭ 8 ۆاگونى رەلستەن شىعىپ كەتكەن بولاتىن.
