تايلاندا 2009 جىلى سوڭعى رەت  قىلمىسكەر ءولىم جازاسىنا كەسىلگەن بولاتىن. بۇل جايىندا ەلدەگى ءۇشىنشى ۇلتتىق تەلەارنا حابارلادى.

وتكەن كۇنى، دۇيسەنبىدە بانگكوكتاعى بەنگ-كۋانگتىڭ ورتالىق تۇرمەسىندە  قىلمىسكەر ينفەكسيا جۇرگىزۋ ارقىلى ءولىم جازاسىنا كەسىلدى. بۇل بولىمدە ءولىم جازاسىنا كەسىلگەندەر وتىرادى.

ءولىم جازاسىنا كەسىلگەن قىلمىسكەر – تايلاندتا تۇراتىن 27 جاستاعى ازامات. ول 2012 جىلى  17 جاستاعى ستۋدەنتكە 24 رەت پىشاق سالىپ، ايۋاندىقپەن ولتىرگەنى ءۇشىن سوتتالعان. قىلمىسكەر وقيعا ورنىنان مارقۇمنىڭ تەلەفونى مەن اقشاسىن الىپ قاشىپ كەتكەن. الايدا پوليسيا ونى بىرنەشە ساعاتتان كەيىن ۇستاعان. ءبىرىنشى سوت ينستانسياسى قىلمىسكەردى ءولىم جازاسىنا كەستى.

تايلاندتىڭ  ادىلەت مينيسترلىگىنىڭ جازالاۋشى جانە تۇزەتۋ دەپارتامەنتىنىڭ مالىمەتىنشە، 1932 جىلى ءابسوليۋتتى مونارحيانى جويعاننان كەيىن 1935 جىلدان باستاپ تايلاندتا قولدانىستاعى قىلمىستىق ءىس جۇرگىزۋ كودەكسى بويىنشا 326 ادام ءولىم جازاسىنا كەسىلگەن.

2003 جىلعا دەيىن ەلدە ءولىم جازسى اتۋ ارقىلى جۇزەگە اسىرىلدى. وعان پۋلەمەت قولدانىلعان. قىلمىسكەردىڭ جۇرەگى كوزدەلىپ، جازالانىپ وتىرعان.

2003 جىلدىڭ جەلتوقسانىنان باستاپ ءولىم جازاسى ينفەكسيا تاراتۋ ارقىلى جۇزەگە اسادى. سوڭعى رەت 2009 جىلى ەكى ەسىرتكى تاسىمالداۋشى ءولىم جازاسىنا كەسىلگەن بولاتىن.