اقمولا وبلىسىنىڭ كۇش قۇرىلىمدارىن اياعىنان تىك تۇرعىزىپ، ءدۇيىم جۇرتتى شۋلاتقان قاسكوي ءتارتىپ ساقشىلارىنىڭ كوزىنشە ءوزى كەپىلگە العان قارياعا پىشاق سۇقپاق بولعان. قالانىڭ ءبىر اۋدانىندا بوي تاسالاعان ءقاۋىپتى ازامات كوپكە دەيىن بەرىلمەي، پوليسەيلەردى ءبىراز ابىگەرگە سالىپتى. وقيعا كۋاگەرلەرى بولعان جايتتى كامەراعا ءتۇسىرىپ، الەۋمەتتىك جەلىلەرگە جاريالاعان. قاسكوي تۇرمەدەن قالاي قاشقان؟ قىلمىسكەر كىم جانە ول ءقازىر قايدا؟ بۇل تۋرالى ەۋرازيا ءبىرىنشى ارناسى حابارلايدى.
- ون چتو ۆ زالوجنيكا ۆزيال كوگو دا؟
- دا، دەدا ۆزيال ۆ زالوجنيكا، دەدۋ ناۆەرنوە لەت 80.
- دەدۋ پلوحو ستالو. ناچال پادات. ون ەگو ناچال پودنيمات.
- ا، وني سو ۆسەح ستورون نا نەگو نالەتەلي.
بۇل وقيعا كۋاگەرلەرىنىڭ بولجامى. تال تۇستە تۇزەۋ مەكەمەسىنەن قاشقان قىلمىسكەر جۇرتتى ابدەن ارەگە سالدى. بوي تاسالاپ جۇرگەندە ونىڭ ىزىنە پوليسەيلەر تۇسكەن. امالى قالماعان ول 80 جاستاعى قاريانى كەپىلدىككە الىپ پىشاقتاماق بولادى.
اسا ءقاۋىپتى قىلمىسكەردىڭ قاشىپ كەتۋى تۇرمە قىزمەتكەرلەرى مەن ستەپنوگور تۇرعىندارىن دا دۇرلىكتىردى. رەسمي ورگان وكىلدەرىنىڭ مالىمەتىنشە ءتارتىپ ساقشىلارى 26 جاستاعى قىلمىسكەردى قۇرىقتاۋ ءۇشىن اۋقىمدى وپەراسيا جۇرگىزگەن.
كوپ ۇزاماي ءقاۋىپتى قىلمىسكەر قۇرىقتالدى. تۇزەتۋ مەكەمەسىنە قايتا بارعىسى كەلمەگەن ول، الىسقا ۇزاي قويماپتى. سەبەبى، قالانىڭ شىعا بەرىس بارلىق بەكەتتەرىنە كۇشەيتىلگەن كۇزەت قويىلعان. قاسكويدىڭ ارام پيعىلى جۇزەگە اسپادى، وقيعا ورنىنا جەدەل جەتكەن ارنايى توپ ونى ۇزاق ۋاقىت ايالدايتىن تۇراعىنا الىپ كەتتى. ەندى، ول جازاسىنىڭ ۇستىنە تاعى جازا ارقالايدى.
«جۇرگىزىلگەن ءىس-شارا بارىسىندا ىشكى ىستەر ورگاندارى قىزمەتكەرلەرىمەن اباقتىدان قاشقان سوتتالۋشى قايدا بوي تاسالاپ جۇرگەنى انىقتالدى. كەشە 19 ساعات 30 مينۋتتا ستەپنوگور قالاسىندا ۇستالدى. ارنايى ءىس شارا بارىسىندا قىلمىسكەر سول ماڭداعى اۆتو تۇراق كۇزەتشىسىن كەپىلگە الدى. ءبىراق، پوليسەيلەردىڭ دەر كەزىندە ارەكەت ەتۋ ارقاسىندا تۇرعىن بوساتىلدى» - دەيدى اقمولا وبلىسى ىشكى ىستەر دەپارتامەنتىنىڭ رەسمي وكىلى گۇلنار پينچۋك.
قورعالجىن اۋدانىنىڭ تۋماسى 26 جاسار ەربولات قاسەنوۆ جازاسىنىڭ وننان ءبىرىن دە وتەمەگەن ەكەن. قىلمىستىق كودەكستىڭ 3 بىردەي بابى بويىنشا ءىستى بولعان ول ەندى جاقىن ارادا اباقتىدان بوساۋى ەكىتالاي.
ەلىمىزدە تۇرمەدەن قاشۋ وقيعاسى وقتىن وقتىن تىركەلىپ تۇرادى. رەسمي مالىمەتتەرگە سۇيەنسەك، جىل باسىنان بەرى كولونيالاردان 4 قىلمىسكەر قاشقان. ءبىراق، بارلىعىنىڭ ءىزى كەسىلىپ، قايتا قۇرىقتالىپتى.
