ۇكىمەت باسشىسى باقىتجان ساعىنتايەۆ شۋداعى پويىز اپاتىنان قازا تاپقان بالانىڭ جاقىندارىنا كوڭىل ايتتى، دەپ جازادى Qamshy.kz اقپارات اگەنتتىگى.

پرەمەر-مينيستر قاراعاندى وبلىسىنىڭ اكىمدىگى مەن «قازاقستان تەمىر جولى» باسشىلىعىنا بالانىڭ وتباسىنا قاجەتتى كومەك كورسەتىلۋىن تاپسىردى.

«دەنساۋلىق ساقتاۋ مينيسترلىگى زارداپ شەككەندەردىڭ ساپالى ەمدەلۋىن قاداعالاسىن. ىشكى ىستەر مينيسترلىگى مەن ينۆەستيسيا جانە دامۋ مينيسترلىگى، قتج ۇلتتىق كومانياسىمەن جانە وزگە دە مەملەكەتتىك ورگاندارمەن بىرىگىپ ۆاگونداردىڭ اۋدارىلۋ سەبەبىن انىقتاسىن، تۇپكىلىكتى تەرگەۋ جۇرگىزسىن. تەرگەۋ بارىسىن ءوزىم باقىلايتىن بولامىن. قانات قالي ۇلى (الپىسبايەۆ – «قازاقستان تەمىر جول» ۇك» اق باسقارما باسشىسى)، تەرگەۋدى سوڭىنا دەيىن جەتكىزىڭىز» ، - دەدى باقىتجان ساعىنتايەۆ جيىن بارىسىندا.

سونىمەن قاتار ۇكىمەت باسشىسىنا زارداپ شەككەندەردىڭ سانى حابارلاندى.

«اپات سالدارىنان 23 جولاۋشى زارداپ شەكتى، ءبىر ادام قايتىس بولدى. تاعى بىرەۋىنىڭ اياعى سىنىپ، اۋرۋحاناعا جاتقىزىلدى»، - دەدى قانات الپىسبايەۆ.

الپىسبايەۆتىڭ ايتۋىنشا، كومپانيا قازا بولعان جەتكىنشەكتىڭ وتباسىنا ءتيىستى كومەكتى كورسەتىپ جاتىر. قتج ۇلتتىق كومپانياسى ونىڭ وتباسىنا 1 000 مرپ كولەمىندە وتەماقى تولەنەدى. سونىمەن قاتار اۋىر تۇردە زارداپ شەككەندەردىڭ ەمىنە ءبىر ميلليون تەڭگەگە دەيىن تولەۋ تۋرالى شەشىم شىقتى.

ايتا كەتەيىك، بۇدان بۇرىن شۋداعى پويىز اپاتى سالدارىنان قازا تاپقانداردىڭ بارى جايلى اقپارات تارادى. قازا تاپقان 12 جاستاعى بالانىڭ دەنەسى تۋعان جەرىنە جەتكىزىلدى. الەكسەي مەلنيەۆ قاراعاندى وبلىسىندا بۇگىن جەر قوينىنا تاپسىرىلادى. ال اپاتتان زارداپ شەككەن تاعى ءبىر جولاۋشىعا كەشە وتا جاسالدى. 48 جاستاعى استانا تۇرعىنىنىڭ ءحالى ءقازىر جاقسى. پويىزدا بولعان جولاۋشىلاردىڭ 10-نان استامى دارىگەرگە قارالدى.

17 ماۋسىمدا ساعات 13:25 شاماسىندا سارى-شاعان - شۋ ستانسياسىندا استانا-الماتى باعىتىنداعى جولاۋشىلار پويىزىنىڭ 8 ۆاگونى رەلستەن شىعىپ كەتكەن بولاتىن. كەشە پويىز جۇرگىزۋشىسى ۇستالدى.