اقپارات جانە كوممۋنيكاسيا ءمينيسترى داۋرەن ابايەۆ «اشىق اڭگىمە» باعدارلاماسىندا قازاقستانداعى سينوفوبيا جايلى ءوز پىكىرىن ايتتى.
ءمينيستردىڭ سوزىنشە، بۇل فاكتورلار جۇڭگو جايىندا تارالعان دالەلسىز اقپاراتتاردىڭ كەسىرىنەن بولىپ جاتىر.
«بىرىنشىدەن، «قىتايفوبيا» باعزى زاماننان قالىپتاسقان ءۇردىس. قىتايعا قاتىستى كەز-كەلگەن «جاعىمسىز» اقپارات قازاقستاندىقتاردىڭ جەلىسىندە بىردەن پايدا بولادى»، - دەدى مينيستر.
ەكىنشى فاكتور رەتىندە ابايەۆ قازاقستاندىقتاردىڭ جۇڭگو ءتىلىن بىلمەيتىنىن اتادى.
«ەكىنشى فاكتور – ەلىمىزدە جۇڭگو ءتىلىن بىلەتىندەر، بىلگەننىڭ وزىندە جوعارى دەڭگەيدە بىلەتىندەر از. سوندىقتان شىن مانىندە جاعدايدىڭ قانداي ەكەنى بىزگە بەيمالىم»، - دەپ ءتۇسىندىردى ابايەۆ.
ءمينيستردىڭ ويىنشا، ءۇشىنشى فاكتور – قىتايدىڭ ءوزى تۋرالى اقپاراتتىق جوقتىعى.
«قىتايدا بولعاندار مەن بولماعانداردىڭ تۇسىنىگى ەكى ءتۇرلى. سول سەبەپتى قازاقستاندىقتاردىڭ كوبى ستەرەوتيپپەن ءومىر سۇرەدى. قىتايلاردىڭ قازاقستانعا اعىلىپ كەلۋى – ميف»، - دەدى اقپارات ءمينيسترى.
بۇعان قوسا داۋرەن ابايەۆ جۇڭگو ازاماتتارىنا ارنالعان ۆيزادان باس تارتۋ ماسەلەسىن دە ءسوز ەتتى. ءمينيستردىڭ ايتۋىنشا، ۆيزاسىز رەجىمدى الىپ تاستاۋ ماسەلەسى كوتەرىلگەن ەمەس. جۇڭگو مەن ءۇندىستان ازاماتتارى قازاقستانعا ۆيزاسىز 72 ساعاتقا كىرە الادى.
