جامبىل وبلىسىنداعى اۋدارىلعان پويىزدىڭ ءماشينيسى ۇستالماعان، دەپ حابارلايدى Qamshy.kz اقپارات اگەنتتىگى.
ق ر باس پروكۋراتۋراسىنىڭ باسپا ءسوز قىزمەتى تارالىپ كەتكەن اقپارات جونىندە رەسمي مالىمدەمە جاريالادى.
"بۇگىن ءتۇرلى اقپاراتتىق اگەنتتىكتەردە «استانا-الماتى» باعىتىنداعى جولاۋشىلار پويىزى لوكوموتيۆىن باسقارعان ءماشينيستى پوليسيا ۇستاعاندىعى تۋرالى شىندىققا ساي كەلمەيتىن اقپارات جاريالاندى.
قازىرگى تاڭدا اتالعان فاكت بويىنشا سوتقا دەيىنگى تەرگەپ-تەكسەرۋ جۇرگىزىلۋدە جانە ونىڭ بارىسىندا ۇستاۋ جۇرگىزىلمەگەندىگىن رەسمي تۇردە حابارلايمىز"، - دەلىنگەن حابارلامادا.
سونىمەن قاتار حابارلامادا، ورىن العان تەمىرجول وقيعاسىنا قاتىستى ينۆەستيسيالار جانە دامۋ مينيسترلىگى جانىنان ارنايى كوميسسيا قۇرىلعانى ايتىلعان.
ق ر ىشكى ىستەر ءمينيسترى قالمۇحانبەت قاسىموۆ سەيسەنبىدەگى ۇكىمەت وتىرىسىنان كەيىن جۋرناليستەرگە سۇحبات بەرۋ بارىسىندا ءماشينيستىڭ ۇستالۋ دەرەگىنە بايلانىستى پىكىر ءبىلدىردى.
"مۇنداي مالىمەتتى كىم تاراتتى؟ بۇل جالعان اقپارات. ءماشينيستى تەرگەۋدەن سوڭ بوساتتى. بۇل دەگەن ۇلكەن قىلمىستىق ءىس. ءقازىر ساراپتاما ءجۇرىپ جاتىر"، - دەدى مينيستر.
ەستەرىڭىزگە سالا كەتەيىك، 17 ماۋسىمدا ساعات 13:25 شاماسىندا سارى-شاعان - شۋ ستانسياسىندا استانا-الماتى باعىتىنداعى جولاۋشىلار پويىزىنىڭ 8 ۆاگونى رەلستەن شىعىپ كەتكەن بولاتىن. ناتيجەسىندە ءبىر جاس ءوسپىرىم قازا تاۋىپ، 24 ادام جارالاندى. قازا تاپقان 12 جاستاعى بالانىڭ دەنەسى تۋعان جەرىنە جەتكىزىلدى. الەكسەي مەلنيەۆ قاراعاندى وبلىسىندا بۇگىن جەر قوينىنا تاپسىرىلادى. ال اپاتتان زارداپ شەككەن تاعى ءبىر جولاۋشىعا كەشە وتا جاسالدى. 48 جاستاعى استانا تۇرعىنىنىڭ ءحالى ءقازىر جاقسى.
