"قىتايدى ارامدىقپەن ساۋدا جاساۋدان باس تارتۋعا، ءوز نارىعىن امەريكالىق تاۋارلارعا اشۋعا جانە قىتايمەن تەڭگەرمەلى ساۋدا قاتىناسىن ورناتۋعا ماجبۇرلەۋدىڭ جاڭا شارالارى قابىلدانادى" دەدى اقش پرەزيدەنتى دونالد ترامپ.
جۇڭگو ساۋدا مينيسترلىگى ترامپتىڭ سوزىنە جەدەل جاۋاپ قاتىپ، ونى "بوپسالاۋ ءادىسىن" قولدانىپ وتىر دەپ ايىپتادى جانە "شەكتەن تىس قىسىمعا قاتاڭ جاۋاپ بەرەتىنىن" ەسكەرتتى.
دونالد ترامپ جۇڭگو بيلىگىنىڭ امەريكالىق ينتەللەكتۋالدىق مەنشىك قۇقىعىن قورعاۋدان باس تارتىپ وتىرعانىنا نارازى.
وتكەن اپتادا ترامپ اكىمشىلىگى قىتايدان يمپورتتالاتىن 50 ميلليارد دوللاردىڭ تاۋارىنا 25 پايىزدىق باج سالىعىن سالاتىنىن حابارلاعان. پەكين اقش-تى "ساۋدا سوعىسىن جۇرگىزىپ وتىر" دەپ ايىپتاپ، بىردەن امەريكالىق 50 ميلليارد دوللاردىڭ تاۋارىنا، ونىڭ ىشىندە استىق، اۆتوموبيل جانە تەڭىز ونىمدەرىنە باج سالىعىن ەنگىزگەن.
اقش-تىڭ قىتايدان جەتكىزىلەتىن 34 ميلليارد دوللاردىڭ 800-دەن استام تاۋار تۇرىنە سالاتىن باج سالىعى 6 شىلدەدەن باستاپ كۇشىنە ەنەدى. تاعى 300-دەي تاۋارعا سالىق سالۋ ماسەلەسى ازىرگە تالقىلانىپ جاتىر.
الەمدىك جەتەكشى قور نارىقتارىندا سوڭعى كۇندەرى اقش پەن جۇڭگو اراسىنداعى ساۋدا-ەكونوميكالىق ەگەس حالىقارالىق ديستريبيۋتورلىق جۇيە جۇمىسىن توقىراتۋى مۇمكىن دەگەن قاۋىپتەن اكسيالار باعامى تومەندەپ جاتىر.
