شىمكەنتتە 15 ماۋسىمدا قايتىس بولعان ءجاسوسپىرىمنىڭ مەنينگوكوكك ينفەكسياسىن جۇقتىرعانى راستالدى. بۇل تۋرالى قازاقستان دەنساۋلىق ساقتاۋ مينيسترلىگى حابارلادى.
ۆەدومستۆو ەلدەگى مەنينگوكوكك ينفەكسياسىنا قاتىستى ەپيدەميولوگيالىق جاعداي تۋرالى حابارلاماسىندا جىل باسىنان بەرى مەنينگيتپەن 62 ادام اۋىرعانىن، ونىڭ 13ء-ى قايتىس بولعانىن ايتادى. كوز جۇمعانداردىڭ التاۋى - الماتى قالاسى، ۇشەۋى - الماتى وبلىسى، ۇشەۋى - وڭتۇستىك قازاقستان وبلىسى، بىرەۋى - قىزىلوردا وبلىسىنىڭ تۇرعىنى. 42 ناۋقاس اۋرۋحانادان ەمدەلىپ شىققان، جەتى ناۋقاس ەمدەلىپ جاتىر.
الماتى وبلىسىندا سوڭعى ەكى كۇندە ءۇش ادام مەنينگوكوكك جۇقتىردى دەگەن كۇدىكپەن اۋرۋحاناعا تۇسكەن. ءقازىر زەرتحانالىق تەكسەرۋ جۇرگىزىلىپ جاتىر.
