استانادا 2018-2019 جىلدارى 10 مىڭنان اسا اقىلى كولىك تۇراقتارىن اشۋ جورپارلانۋدا. بۇل تۋرالى «استانا قالاسى كولىك كەڭىستىگىن باسقارۋ» ج ش س حابارلادى.
«بۇكىل ەلوردا اۋماعىندا 2019 جىلعا دەيىن 10 مىڭنان اسا اۆتوكولىك تۇراقتارىن اشۋدى جوسپارلاۋدامىز. ول تۇراقتاردىڭ قاي جەردە اشىلاتىنىن قالا اكىمدىگى انىقتايتىن بولادى»، – دەدى كومپانيا وكىلى.
باس قالاداعى اقىلى تۇراق كەڭىستىگى رەتىندە نۇرجول بۋلۆارى تاڭدالدى. ول جەردىڭ اقىلى تۇراق رەتىندە تاڭدالۋىنىڭ وزىندىك سەبەپتەرى بار.
«نۇرجول بۋلۆارى كولىك ەڭ تىعىز ورنالاسقان مەكەن. نەگە دەسەڭىز، وسى اۋماقتا ەلورداداعى باستى اكىمشىلىك مەكەمەلەر مەن ءىرى ويىن-ساۋىق ورتالىعى بار. سول سەبەپتەن ۇنەمى كولىك كەپتەلىسى مەن ورىن تاپشىلىعى تۋىندايتىنى بارىمىزگە بەلگىلى»، - دەدى «استانا قالاسى كولىك كەڭىستىگىن باسقارۋ» ءجشس-نىڭ قىزمەتكەرى.
ونىڭ ايتۋىنشا، اقىلى تۇراقتار ەلورداداعى ترانسپورت سالاسىندا كەلەڭسىزدىكتەردى شەشۋدىڭ وركەنيەتتى ءتۇرى. بۇل اسىرەسە كولىك كەپتەلىسى قاتتى كۇشەيىپ كەتكەن كەزدە ءوز پايداسىن تيگىزەدى. ال، باس قالامىز بۇرىننان بەرى وسىنداي كولىك قوياتىن كەڭىستىككە مۇقتاج بولىپ كەلگەن ەدى.
استانا قالاسىنىڭ اكىمدىگىنىڭ بەكىتۋى بويىنشا، «التىن قىران» جانە «حالىق قاھارمانى» وردەندەرىمەن ناگرادتالعان ادامدار، بالا كەزىنەن مۇگەدەكتەر مەن I جانە II توپتاعى مۇگەدەكتەر، ۇلى وتان سوعىسىنىڭ ارداگەرلەرى مەن ۇرىس قيمىلدارىنا قاتىسقاندارعا، مەكەمەلەردە قىزمەت وتكەرگەن اسكەري قىزمەتشىلەرگە، «التىن القامەن» جانە «كۇمىس القامەن» ناگرادتالعان جانە ت.ب. ماراپاتتالعان كوپ بالالى انالارعا، سەمەي سىناق يادرولىق پوليگونىندا يادرولىق سىناقتار سالدارىنان زارداپ شەككەن ادامدارعا، اقىلى تۇراقتار تەگىن.
ايتا كەتەيىك، استانادا 2018 جىلدىڭ 15 قاڭتارىندا نۇرجول بۋلۆارىندا اقىلى تۇراق ىسكە قوسىلعان بولاتىن. جوبانىڭ جالپى كولەمى 20 جىلدى قامتيدى. وندا ءبىرقاتار جەڭىلدىكتەر قاراستىرىلعان. تولەم جۇيەسى بولسا قولما قول جانە كارتوچكالىق فورماتتا جۇزەگە اسادى. بۇعان قوسا، تۇراق اقىسىن تولەۋدىڭ بارلىق تاسىلدەرىمەن 2888.kz سايتىنىڭ "تولەۋ تاسىلدەرى" بولىمىندە تانىسا الاسىز. ايىپپۇل مولشەرى: تۇراق اقىسىن تولەۋدەن جالتارعان ادامعا 3 اەك مولشەرىندە ايىپپۇل سالىنادى، ال مۇنداي جايت ءبىر جىل ىشىندە تاعى قايتالانعان بولسا، ايىپپۇل مولشەرى 5 اەك قۇرايدى.
حابدۋلحابار جاننا رينات قىزى
پىكىر قالدىرۋ