سىرتقى ىستەر ءمينيسترى قايرات ءابدىراحمانوۆ سەنات ءتوراعاسى قاسىس-جومارت توقايەۆتىڭ قازاقستانداعى 2020 جىلى وتەتىن سايلاۋ تۋرالى ايتقانىنا پىكىر ءبىلدىردى. بۇل تۋرالى سىرتقى ساياسي ۆەدومستۆوسىنىڭ باسپا ءسوز قىزمەتى حابارلادى.
بۇدان بۇرىن توقايەۆ بي-بي-سي-دەگى Hardtalk باعدارلاماسىنا بەرگەن سۇحباتىندا 2020 جىلى وتەتىن پرەزيدەنت سايلاۋىنا نۇرسۇلتان نازاربايەۆتىڭ قاتىسپاۋى مۇمكىن ەكەنىن ايتقان.
«سەنات ءتوراعاسى قاسىم-جومارت توقايەۆ Hardtalk باعدارلاماسىنا بەرگەن سۇحباتىندا ءوزىنىڭ ناعىز كاسىبي ءارى ساۋاتتى مامان ەكەنىن كورسەتتى. ءبىزدىڭ ىشكى ساياساتىمىزدى ءتۇسىندىرىپ، قازاقستاننىڭ حالىقارالىق پوزيسياسىن دامىتۋ تۇرعىسىنان الىپ قارايتىن بولساق، بۇل وتە ماڭىزدى. سۇحباتتىڭ اۋدارىلعان تولىق نۇسقاسىن سەنات پارلامەنتىنىڭ سايتىنان كورە الاسىزدار»، - دەدى قايرات ءابىدارحمانوۆ.
ءسىم باسشىسىنىڭ ايتۋىنشا، قازاقستانعا دەگەن قىزىعۋشىلىق جىلدان جىلعا ارتىپ كەلەدى. مەملەكەت ءىرى ينۆەستيسيالارعا كوز تىگە باستادى.
«قاسىم-جومارت توقايەۆتىڭ قازاقستاننىڭ دامۋ جولىنداعى نۇرسۇلتان نازاربايەۆتىڭ ءرولىن ايقان كورسەتكەن. ەلباسى قۇرىپ كەتكەن ساياسي مودەل بەرىك. ءبىز «استانا» حالىقارالىق قارجى ورتالىعىن قوستىق، ءالىم بويىنشا ينۆەستيسيالار مەن جاڭا تەحنولوگيالاردى وزىمىزگە تارتىپ كەلەمىز. سەنات سپيكەرىنىڭ سۇحباتىندا مۇنىڭ اشىق ءارى جۇيەلى تۇردە قامتىلعان»، - دەپ كەلتىردى ءمينيستردىڭ ءسوزىن ۆەدومستۆو حابارلاماسى.
سونىمەن قاتار ءابىراحمانوۆ سۇحباتتىڭ كۇردەلى بولعانىن ايتىپ ءوتتى.
بۇعان دەيىن ق ر اقپارات جانە كوممۋنيكاسيالار ءمينيسترى داۋرەن ابايەۆ توقايەۆتىڭ ايتقانىنا بايلانىستى پىكىر بىلدىرگەن بولاتىن. ءوز سوزىندە مينيستر ەلباسىنىڭ سايلاۋعا ءتۇسۋى قازاقستان ءۇشىن ءتيىمدى ەكەنىن مالىمدەدى.
«قاسىم-جومارت كەمەل ۇلى ايتقانداي، 2020 جىلعا دەيىن ءالى ءبىراز ۋاقىت بار. شەشىمدى مەملەكەت باسشىسىنىڭ ءوزى قابىلدايدى. ءبىز بۇعان 2020 جىلى سول كەزدەگى جاعدايمەن قاراۋىمىز كەرەك. كوپ جىل پرەزيدەنت قىزمەتىن اتقارعان ادام، سونىمەن قاتار ەلباسىنىڭ ساياسات پەن ەكونوميكاداعى، حالىقارالىق ىستەردەگى زور تاجىريبەسى مەن حالىقارالىق بەدەلىن ەسكەرە كەلە، قازاقستان ەلباسىنىڭ 2020 جىلعى پرەزيدەنت سايلاۋىنا قاتىسقانىنان تەك ۇتادى دەپ سانايمىن، - دەگەن ەدى داۋرەن ابايەۆ.
