الماتىدا بالالاردى قورعاۋ كۇنى بالالار مەن جاسوسپىرىمدەردىڭ مۋزىكالىق وركەسترلەرى مەن انسامبلدەرىنىڭ پارادى بولدى.

جاڭارعان جىبەك جولى بويىنداعى مەرەكەلىك شەرۋگە 5 مىڭنان استام بالالار قاتىستى. قايتا جاسالعان پانفيلوۆ كوشەسىنىڭ بويىمەن بارابانشىلار، چەرليدەرلەر كولوننالارى، ۇرلەمەلى وركەسترلەر مەن بي ۇجىمدارى ءجۇرىپ ءوتتى.

«مۇنداي شارالار بالالاردىڭ بويىندا ءوزارا ىنتىماقتى جانە مەكتەپكە دەگەن سەنىمدى كۇشەيتەدى، ەكىنشى جاعىنان وقۋشىلاردىڭ شىعارماشىلىق جانە كرەاتيۆتىك الەۋەتىن ارتتىرادى. پاراد وسىمەن ەكىنشى رەت ءوتىپ وتىر، وعان ارنايى رەپەرتۋار، ەرەكشە ارانجيروۆكالار جاسالدى. بالالار بۇل شاراعا بار ىنتالارىمەن دايىندالدى»، - دەدى ءبىلىم باسقارماسى باسشىسىنىڭ ورىنباسارى ءلاززات جىلكقبايەۆا.

قالا تۇرعىندارى مەن قوناقتارى الدىندا وتاندىق ەسترادا جۇلدىزدارى، سونىڭ ىشىندە ساكەن مايعازييەۆ، سەرىك يبراگيموۆ، نۇربولات ابدۋللين، سەرىكبول سايلاۋبەك، بەيبىت كۋشكالييەۆ، مۋزارت Life، مەكتەپتىڭ «SMart» بالالار حورى جانە كوپتەگەن باسقالار ونەر كورسەتتى. ەڭ كىشكەنتاي قوناقتار ءۇشىن ءتۇرلى ينتەراكتيۆتى ويىندار مەن كونكۋرستار ۇيىمداستىرىلدى.

ايتا كەتەرلىگى، 2 ماۋسىمدا «شىمبۇلاق» تشك-دا Family day ۇيىمداستىرىلادى. ساعات 11.00-دەن 12.30-عا دەيىن تاۋ شاڭعىسى كۋرورتىنداعى باتۋتتار، سكالودروم، كۆادراسيكل مەن پونيمەن سىرعاناۋ، ارقان پاركى، تەننيس تەگىن بولادى.

ءدال وسى كۇنى ساعات 11.00 دەن 23.00-گە دەيىن قبتۋ-دان تومەن (ابىلاي حان – قازىبەك بي – پانفيلوۆ – ايتەكە كوشەلەرىنىڭ ماڭى) «ءتاتتى الماتى» تاعام جاساۋدىڭ وتباسىلىق فەستيۆالى وتەدى، مۇندا مەگاپوليستىڭ تانىمال مەيرامحانالارى الماتىلىقتار مەن قالا قوناقتارىنا ءتاتتى تاعامدار ۇسىنادى.

الداعى دەمالىس كۇندەرى قالا تۇرعىندارى مەن قوناقتارى ءۇشىن رەسپۋبليكا سارايى الدىنداعى اباي الاڭىندا VI حالىقارالىق «The Spirit of Tengri»زامناۋي ەتنيكالىق مۋزىكا فەستيۆالى وتەدى، وعان 12 جاقىن جانە الىس شەتەلدەن كەلگەن ارتيستەر قاتىسادى. كونسەرتتەر 2 جانە 3 ماۋسىمدا ساعات 17.00-دە باستالادى. كىرۋ تەگىن.