الماتى اكىمى باۋىرجان بايبەك جۇمىس ساپارى كەزىندە مەگاپوليستىڭ كولىك جانە جاياۋ جۇرگىنشى ينفراقۇرىلىمىنىڭ قۇرىلىس قارقىنىن تەكسەردى. بىرنەشە ساعات ىشىندە قالا باسشىسى مۇستافين، رىسقۇلبەكوۆ، سۇلەيمەنوۆ، جاندوسوۆ جانە تيميريازيەۆ كوشەلەرىن ارالاپ شىقتى.

تيميريازيەۆ كوشەسىن ارالاعان باۋىرجان بايبەك ماناس كوشەسىنىڭ بۇرىشىنداعى ماي قۇيۋ بەكەتى الدىنداعى كولىك قوزعالىسىنىڭ سىزباسىن جاياۋ جۇرگىنشىلەرگە باسىمدىق بەرىپ قايتا قاراۋدى، تروتۋاردى ءقاۋىپسىز ايماقپەن قوسا ابباتتاندىرۋدى ۇسىندى. جاقىن ارادا «اتاكەنتتىڭ» كىرە بەرىس اركالارىنىڭ الاڭدارىن جاسىلداندىرۋ جۇمىستارى باستالادى. مەگاپوليس باسشىسى مەردىگەرلەردىڭ نازارىن جاندوسوۆ پەن روزىباكييەۆ كوشلەرىنىڭ بويىنداعى ساپاسىن سالىنعان تروتۋارلارعا اۋداردى، ءدال سول كۇنى ولقىلىقتى جويۋدى تاپسىردى.

كولىك رەفورماسى اياسىندا BRT جەلىلەرىن قايتا جاساۋ جۇمىستارى مۇستافين، رىسقۇلبەكوۆ، سۇلەيمەنوۆ كوشەلەرىندە جۇرۋدە. جاندوسوۆ جانە تيميريازيەۆ كوشەلەرىنىڭ بويىندا BRT جەلىلەرىنىڭ قوزعالىس بولىگىن كەڭەيتۋ ءۇشىن تروتۋارلار مەن ۆەلوجولدار سالۋ، سونىمەن قاتار ينجەنەرلىك جۇيەلەردى قايتا ورنالاستىرۋ جۇمىستارى اتقارىلۋدا. مەگاپوليس باسشىسى كوشەلەردى رەكونسترۋكسيالاۋدىڭ كەشەندى جۇرگىزىلۋى، زاڭسىز قۇرىلىستاردىڭ، قورشاۋلاردىڭ الىنۋى، نىسانداردىڭ سىرتقى كەلبەتىنىڭ ءبىرىڭعاي ارحيتەكتۋرالىق ستيلدە بولۋى، اسفالتتى الاڭداردىڭ ازايىپ، جاسىلداندىرۋدىڭ ارتۋى ءتيىس ەكەنىن اتاپ ءوتتى.

جولاۋشىلار كولىگى جانە اۆتوموبيل جولدارى باسقارماسىنىڭ باسشىسى تالعات حوسچانوۆ BRT ءدالىزىنىڭ ادامدار تىعىز ورنالاسقان اۋدانداردى قامتيتىنىن، ولارعا قىزمەت كورسەتۋ ءۇشىن قوعامدىق كولىككە باسىمدىق بەرۋ قاجەتتىگىن ايتتى. جوسپارلانعان 9 شاقىرىمنىڭ ۇزىندىعى 2،7 كم بولاتىن جەرىنىڭ قايتا جاسالۋى ارقاسىندا قوعامدىق كولىكتەگى جولاۋشىلار لەگى 20%-عا ارتىپ، جولعا كەتەتىن ۋاقىت 30%-عا قىسقارعان.

«قازىرگى كەزدە كىشى اينالما جولدىڭ وتكىزۋ قابىلەتىن ارتتىرۋ ءۇشىن جولايرىقتار سالىنۋدا، كوپىر نىساندارى ارتۋدا، ترامۆاي جولدارى الىنىپ، قوزعالىس اۋماعى كەڭەيۋدە. قالانىڭ بارلىق اۋداندارىندا 157 كوشە جوندەلۋدە. ياعني ءبىز BRT دالىزىنەن كەتەتىن اۆتوموبيلدەر ءۇشىن دە جاعداي جاساۋدامىز»، - دەدى ت.حوسچانوۆ.

ءبىرىنىشى فازا باعىتىنىڭ ۇزىندىعى 8،7 شاقىرىم، ول مۇستافين – سۇلەيمەنوۆ – جاندوسوۆ – تيميريازيەۆ كوشەلەرىن جەلتوقسان كوشەسىنە دەيىن قامتيدى.

قازىرگى كەزدە جالپى ۇزىندىعى 13،2 كم بولاتىن باعىتتىڭ ەكىنشى فازاسىنىڭ قۇرىلىسىن جۇرگىزۋ ءۇشىن جوبالىق-سمەتالىق قۇجاتتار جاسالۋدا، ول جەلتوقسان – تولە بي – ۆواد – قۇلجا تراكتىن قامتيدى. BRT جەلىلەرى ءۇشىن 18 مەترلى اۆتوبۋستار جۇرگىزۋ جوسپارلانعان.

كەيىن BRT جەلىلەرىنە قىزمەت كورسەتۋ ءۇشىن جۇيە ينتەگراسياسىنا قاتىستى سىيىمدىلىعى ۇلكەن اۆتوبۋستار جۇرگىزۋ جوسپارلانۋدا، بۇرىلىستاردا جولاۋشىلار كولىگىنە باسىمدىق بەرىلەدى.

ەسكە ءسالساقى، الماتىدا بيىلعى جازدا 150-دەن استام كوشە جوندەلەدى، 30 كم تروتۋارلار جاسالادى، 600 اۋلا كورىكتەندىرىلەدى. بارلىق جەر استى وتپەلى جولدار كۇردەلى جوندەلەدى، جاڭا فونتاندار سالىنادى. بۇرىن قايتا جاسالعان پانفيلوۆ، جىبەك جولى، گوگول، قابانباي باتىر، بايسەيىتوۆا، تولەبايەۆ كوشەلەرى مەن «استانا» الاڭىنان وزگە مەگاپوليستىڭ ءبىرقاتار نەگىزگى داڭعىلدارى تۇگەلدەي جاڭارادى.