الماتى اكىمى باۋىرجان بايبەك پەن بىرىككەن ۇلتتار ۇيىمى يۋنيسەف بالالار قورىنىڭ قازاقستانداعى وكىلى يۋريي وكساميتنىي بالالار مەن قالا جاستارىن ءبىلىم، دەنساۋلىق ساقتاۋ جانە الەۋمەتتىك قورعاۋ سالالارىندا قولداۋ تۋرالى مەموراندۋمعا قول قويدى.

تاراپتار ءوزارا ىنتىماقتاستىقتىڭ ءبىرقاتار باعىتتارىن انىقتادى، سونىڭ ىشىندە بالالاردىڭ جاعدايىن مونيتورينگ جۇيەسى ارقىلى ءبىلىپ وتىرۋ، زورلىققا ۇشىراعان نەمەسە كۋاگەر بولعان بالالارعا قولداۋ كورسەتۋدى ۇيىمداستىرۋ، بالار مەن جاسوسپىرىمدەر اراسىنداعى ءسۋيسيدتىڭ الدىن الۋ جانە باسقالارى.

ۋنيۆەرسالدى - پروگرەسسيۆتى مودەل اياسىندا 5 جاسقا دەيىنگى بالالارعا پاتروناجدىق قولداۋ بويىنشا مەديسينالىق - الەۋمەتتىك قىزمەتتى كەشەندى تۇردە كورسەتۋدى ۇيىمداستىرۋ جوسپارلانعان. وزگەشە ءبىلىم بەرۋدى قاجەت ەتەتىن بالالارعا ينكليۋزيۆتى شارالار قابىلدانادى.

«بىرىككەن بۇل يگى قادامنىڭ بالالار قۇقىعىن قورعاۋ سالاسىنىڭ جۇمىسىن جانداندىرۋعا، الماتىدا ءار بالا ءۇشىن جاقسى جاعدايدى بىردەي جاساۋعا مۇمكىندىك بەرەتىنىنە، وسكەلەڭ جاس ۇرپاقتىڭ جان - جاقتى دامۋىن قامتاماسىز ەتەتىنىنە سەنىمدىمىن»، - دەدى باۋىرجان بايبەك.

قول قويىلعان مەموراندۋم اياسىندا الماتى اكىمدىگى مەن ي يۋنيسەف جاستاردىڭ رەسۋرستىق ورتالىقتارى مەن جاستار دەنساۋلىقتارى ورتالىقتارىنىڭ الەۋەتتەرىن نىعايتۋعا، سونىمەن قاتار ومىرلىك قيىن جاعداي تۋا قالسا بالالاردى الەۋمەتتىك قورعاۋدىڭ اياسىن كەڭەيتۋگە ۋاعدالاستى.

«ەڭ ماڭىزدىسى، الماتىدا جۇرگىزىلىپ جاتقان جۇمىستار تۇپكى ناتيجەگە باعىتتالعان جانە ءبىزدىڭ ۇيىمنىڭ فيلوسوفياسىنا تولىعىمەن ساي»، - دەپ اتاپ ءوتتى قازاقستانداعى يۋنيسەف وكىلى يۋريي وكساميتنىي.

بۇگىنگى كۇنى قالادا 400 مىڭنان استام بالا جانە 700 مىڭنان جوعارى 35 جاسقا دەيىنگى جاس ازاماتتار ءومىر سۇرۋدە. ەلىمىزدىڭ ەڭ ءىرى مەگاپوليسى رەتىندە الماتىدا بالالار قۇقىعىن قورعاۋ جونىندەگى مەملەكەتتىك ساياسات جارقىن كورىنىس تاپقان.

وتكەن جىلدان باستاپ «2020 جىلعا دەيىن جاستارعا قولداۋ كورسەتۋدىڭ جول كارتاسى» باعدارلاماسى قارقىندى جۇزەگە اسۋدا، ول وسكەلەڭ جاس ۇرپاقتىڭ جان- جاقتى جەتىلۋىنە، مەگاپوليستەگى ومىرگە تەز ارادا بەيىمدەلۋىنە ويداعىداي ىقپال ەتۋدە. مۇندا جاس مامانداردى جۇمىسقا ورنالاستىرۋدىڭ، جاس وتباسىلاردىڭ پاتەر الۋىنىڭ، ستۋدەنتتىك جاتاقحانالار سالۋدىڭ ناقتىلى شارالارى قاراستىرىلعان.

جەتىمدەر مەن اتا- انالارىنىڭ قاراۋىنسىز قالعان بالالار ءۇشىن ومىرلىك بارلىق جاعدايلار جاسالۋدا. تۇرمىسى تومەن جانۇيالاردىڭ وقۋشىلارىنا كومەك كورسەتۋ ماقساتىندا 2018 جىلى جەرگىلىكتى بيۋدجەتتەن 771،5 ملن. تەڭگە قاراستىرىلعان.

ەرەكشە كۇتىمدى قاجە ەتەتىن بالالارعا باسا نازار اۋدارىلۋدا. قالانىڭ 115 مەكتەبىندە ينكليۋزيۆتى وقىتۋ ۇيىمداستىرىلعان، 10 زاماناۋي ينكليۋزيۆتى بالالار الاڭدارى سالىنعان.

وتكەن جىلدان بەرى «بالا بولاشاقپەن بىرگە» اتتى دەلفيندىك تەراپيانىڭ پيلوتتى جوباسى قولعا الىنعان. بيىلعى جالدان باستاپ «ەرتە ارالاسۋ» اتتى الەۋمەتتىك قىزمەت جۇمىسىن باستادى، ولار 3 جاسقا دەيىنگى ءالسىز بالالارعا كومەك پەن قولداۋ كورسەتۋدە. مۇنداي زاماناۋي، كەشەندى جانە تۇراقتى ساۋىقتىرۋ شارالارىنىڭ تيىمدىلىگى 90%-عا دەيىن ارتىپ، مۇگەدەكتىكتىڭ الدىن الۋعا ىقپال ەتۋدە.

سوڭعى ءۇش جىلدا 12 مىڭ ورىندى 350 مەكتەپ جاسىنا دەيىنگى بالالار مەكەمەلەرى اشىلدى. ۇەۇ مەن بىرگە بالالار ۇيلەرىن وتباسى مەن بالالاردى قورعاۋ ورتالىقتارىنا اينالدىرۋ اياسىندا №1 بالالار ءۇيىنىڭ بازاسىندا پيلوتتى جوبا جۇزەگە اسۋدا.