الماتى يپپودرومى مەن «سايران» اۆتوۆوكزالى الماتى قالاسىنىڭ تاريحي-مادەني مۇرالار نىساندارىنىڭ الدىن–الا جاسالعان ەسەبى تىزىمىنە ەنگىزىلدى.

قازاقستان رەسپۋبليكاسىنىڭ «تاريحي- مادەني مۇرالار وبەكتىلەرىن قورعاۋ جانە پايدالانۋ تۋرالى» زاڭى نەگىزىندە وبەكتىگە تاريحي جانە مادەني ەسكەرتكىش مارتەبەسىن بەرۋ ءۇشىن ول الدىن- الا جاسالعان ەسەپ تىزىمىنە ەنگىزىلەدى.

وبەكتىنىڭ مارتەبەسى تۋرالى ناقتىلى شەشىم قابىلدانعانعا دەيىن وسى زاڭعا سايكەس ول تاريحي-مادەني مۇرالار ەسكەرتكىشتەرىمەن بىردەي قورعالادى.

زاڭعا سايكەس ونى پايدالانۋشى ەسكەرتكىشتى قورعاۋى ءتيىس. ياعني، عيماراتتىڭ سىرتىن،ءىشىن قايتا جاساۋعا، كونسترۋكسيالارىن الۋ، قوسالقى قۇرىلىس سالۋعا، ماقساتتى پايدالانىلۋىن جانە اينالاسىن وزگەرتۋگە تىيىم سالىنادى. عيماراتتىڭ ءىشىن جوندەۋ نەمەسە قايتا جاساۋ ءۇشىن وكىلەتتى ورگاننىڭ كەلىسىمى قاجەت.

ەسكە سالساق، بۇرىن الماتى اكىمى باۋىرجان بايبەك زاڭناماعا سايكەس «سايران» اۆتوۆوكزالىن جەرگىلىكتى ماڭىزى بار تاريحي ەسكەرتكىشتەر تىزىمىنە ەنگىزۋ تۋرالى ماسەلەنى قاراۋدى تاپسىرعان بولاتىن. كەيىن مەنشىك يەسى ايماقتى دامىتۋدىڭ الدىن-الا جاسالعان كونسەپسياسىن ۇسىندى. اۆتوۆوكزالدىڭ كولىك لوگيستيكاسىن تولىق قايتا جاساۋ جانە ونىڭ اينالاسىن فونتاندارمەن، كافەلەرمەن، جاسىل جەلەكتەرمەن جانە بالالار الڭدارىمەن قوسا تولىق اباتتاندىرۋ جوسپارلانعان.

بۇلاردان وزگە، الماتى قالاسى اكىمدىگىنىڭ قاۋلىسى بويىنشا ءقىىو «اتاكەنت» اق اراسىنداعى 23 گەكتار جەردى ۋاقىتشا جالعا بەرۋ جونىندەگى كەلىسىم كۇشىن جويدى. كەيىن «اتاكەنتتىڭ» باسقارۋشى كومپانياسى جەكە مەنشىكتەگى 8 گەكتار جەردى دە تەگىن قايتارۋ جونىندە مىندەتتەمە العان ەدى. كورمە كەشەنىنىڭ باسشىلىعى «قالا جاياۋ جۇرگىنشى ءۇشىن» كونسەپسياسىنا ساي ونىڭ اينالاسىن اباتتاندىرۋ جۇمىستارىن ودان ءارى جالعاستىراتىن بولادى.