الماتى اكىمى باۋىرجان بايبەك جىل سايىنعى «جاس تۇلەك-2018» مەكتەپ فەستيۆالى بارىسىندا تۇلەكتەردى ورتا مەكتەپتى بىتىرگەندەرى تۋرالى اتتەستاتتى جانە «التىن بەلگىنى» الۋلارىمەن قۇتتىقتادى. بيىلعى جىلى مەگاپوليستە ورتا مەكتەپتى 9030 تۇلەك ءبىتىردى، ولاردىڭ 518 وقۋشىسى «التىن بەلگىنى» يەلەندى.

«بۇل كۇن سەندەر ءۇشىن ەرەكشە ەستە قالاتىن ءسات جانە ۇلكەن ومىرگە دەگەن وڭ قادام! ەستەرىڭدە بولسىن، ەگەر بىلىمگە دەگەن قۇشتارلىق، العا دەگەن ۇمتىلىس جىگەرلەرىڭدى جانىسا، ىزگى ماقساتتارعا جەتەسىڭدەر. بۇكىل عۇمىرلارىڭنىڭ التىن قازىعىنا اينالاتىن ماماندىقتى تاڭداۋلارىڭا تىلەكتەسپىن. قازاقستاننىڭ پاتريوتى بولىڭدار! قولجەتكەنگە توقمەيىلسىمەڭدەر. ەلباسى ايتقانداي، «سەندەردىڭ جەكە جەتىستىكتەرىڭ اتا - انالارىڭنىڭ، تۋعاندارىڭ مەن جاقىندارىڭنىڭ، وتانداستارىڭنىڭ، وتانىمىزدىڭ جەتىستىگى»، - دەدى تۇلەكتەرگە ارناعان سوزىندە باۋىرجان بايبەك.

مەگاپوليس باسشىسى بيىلعى جىلى قالانىڭ بارلىق مەكتەپتەرىنىڭ فيزيكا، حيميا، بيولوگيا كابينەتتەرىمەن جانە لينگافوندى-مۋلتيمەديالىق جابدىقتارمەن قامتاماسىز ەتىلگەىن اتاپ ءوتتى. مەكتەپتەر كەڭ جولاقتى ينتەرنەتكە 100% قوسىلعان. قازىرگى كەزدە قالانىڭ بارلىق مەكتەپتەرىنىڭ وقۋ كابينەتتەرى مۋلتيمەديالىق ۇشتىكتى الۋدا. «سيفرلى قازاقستان» مەملەكەتتىك باعدارلاماسىن ىسكە اسىرۋ ءۇشىن الداعى وقۋ جىلىندا قالانىڭ 80 مەكتەبىندە ارنايى IT ليسەيلەر مەن IT سىنىپتار اشۋ جوسپارلانعان.

الماتى وقۋشىلارى 13 جىل قاتارىنان رەسپۋبليكالىق وليمپيادادا كوماندالىق ءبىرىنشى ورىننان كورىنۋدە.رەسپۋبليكالىق عىلىمي سايىستاردا 16 رەت جەڭىمپاز اتانسا،ماتەماتيكا، فيزيكا، حيميا مەن بيولوگيادان 11 سىنىپ وقۋشىلارى اراسىندا وتكەن پرەزيدەنت وليمپياداسىندا بەسىنشى رەت جەڭىس تۇعىرىنا كوتەرىلدى. 2018 جىلعى جاراتىلىستانۋ - ماتەماتيكالىق باعىتتا العاش رەت وتكەن رەسپۋبليكالىق جاسوسپىرىمدەر وليمپياداسىندا قالا كومانداسى ءبىرىنشى ورىندى يەلەندى.

مەگاپوليستىڭ وزىندىك «قورجىنىنا» حالىقارالىق زياتكەرلىك وليمپيادالار مەن عىلىمي جارىستاردان تەك بيىلدىڭ وزىندە عانا 45 التىن، 68 كۇمىس جانە 93 قولا مەدالدار ءتۇستى.