مەديسينا قىزمەتكەرلەرى كۇنى قارساڭىندا الماتىدا قالانىڭ دەنساۋلىق ساقتاۋ سالاسىنىڭ وكىلدەرى ماراپتتالدى.
رەسپۋبليكالىق كونكۋرستىڭ قورىتىندىسى بويىنشا «ۇزدىك دارىگەر» نوميناسياسىندا قالالىق كارديولوگيالىق ورتالىقتىڭ دارىگەرى نۇرسان سۇراشيەۆ، «ۇزدىك مەدبيكە» نوميناسياسىندا №5 قالالىق كلينيكالىق اۋرۋحانا مەدبيكەسى نازيرا مىرزابايەۆا، «دەنساۋلىق ساقتاۋداعى ۇزدىك جاس زەرتتەۋشى» نوميناسياسى بويىنشا ا. سىزعانوۆ اتىنداعى ۇلتتىق عىلىمي ورتالىقتىڭ قىزمەتكەرى جاسۇلان بايماحانوۆ جەڭىپاز اتاندى. بۇدان وزگە، وسى سالانىڭ 30 قىزمەتكەرى الماتى قالاسى اكىمىنىڭ قۇرمەت گراموتالارىن يەلەندى.
دارىگەرلەردى كاسىبي مەرەكەلەرىمەن قۇتتىقتاعان الماتى اكىمى دارىگەر اتانۋ جۇرەك قالاۋى، ال مەديسينا ونەردىڭ شىڭى ەكەنىن اتاپ ءوتتى.
«ادامنىڭ دەنساۋلىعى مەن ءومىرىن ساقتاۋ ءۇشىن سىزدەر باۋىرمالدىق پەن مەيىرىمدىلىك تانىتىپ، اراشا بولۋمەن قاتار، كوپتەگەن جايتتاردى باستان كەشىرەسىزدەر. سوندىقتان قاي كەزەڭدە دە دارىگەر، ەمشى ابىروي مەن ۇلكەن قۇرمەتكە يە. ەلباسى قازاقستاندىقتاردىڭ دەنساۋلىعىن ساقتاۋ مەن نىعايتۋ تۋرالى ۇنەمى ايتىپ كەلەدى، ويتكەنى «دەنى ساۋ ۇلت- ءبىزدىڭ بولاشاعىمىزدىڭ نەگىزى»، - دەدى الماتى اكىمى.
ايتا كەتەرلىگى، الماتىنىڭ 2020 جىلعا دەيىنگى دامۋ باعدارلاماسىنىڭ باستى قاعيدالارىنىڭ ءبىرى - ءار ادامعا دەگەن شىنايى قامقورلىق، مۇندا قالانىڭ دەنساۋلىق ساقتاۋ سالاسىن دامىتۋدىڭ كەشەندى شارالارى قاراستىرىلعان.
مىسالى، سوڭعى 5 جىلدا قالانىڭ دەنساۋلىق ساقتاۋ سالاسىنىڭ بيۋدجەتى 60%-عا دەيىن ءوسىپ، بيىل 95 ملرد. تەڭگەنى قۇرادى، ءومىر ءسۇرۋ ۇزاقتىعى العاش رەت 76 جاستان استى، جالپى ءولىم 14%-عا ازايدى، بالالار ءولىمى 33%-عا تومەندەدى. تۋبەركۋلەزدەن قايتىس بولعاندار سانى 38%-عا، وبىر دەرتىنە شالدىققاندار سانى 20%-عا قىسقاردى.
قالادا مەديسينالىق ينفراقۇرىلىم دامۋدا. تەك وتكەن جىلدىڭ وزىندە عانا الماتىدا 5 جاڭا مەديسينالىق وبەكت ىسكە قوسىلدى: ناۋرىزباي اۋدانىندا 2 ەمحانا، مەدەۋ اۋدانىندا قالالىق كلينيكالىق اۋرۋحانا ەمحاناسى جانە قۇنى 4،8 ملرد. تەڭگە بولاتىن ۆاكسينالار مەن يممۋندىبيولوگيالىق پرەپاراتتاردىڭ زامانۋي قويماسى.
بۇگىن بوستاندىق اۋدانىندا زاماناۋي ورتالىقتاندىرىلعان زەرتحانا اشىلدى، مۇندا مولەكۋليارلى-گەنەتيكالىق، يممۋنوفەرمەنتتى جانە يممۋننوحيميالىق،پارازيتولوگيالىق، ميكروبيولوگيالىق، سەرولوگيالىق، بيوحيميالىق، جالپىكلينيكالىق زەرتتەۋلەر جۇرگىزىلەدى. ورتالىقتاندىرىلعان زەرتحانا ەڭ زامانۋي قوندىرعىلارمەن جابدىقتالعان، ولار ميكروورگانيزمدەردىڭ بيوحيميالىق تەستىلەر ارقىلى انتيبيوتيكتەرگە سەزىمتالدىعىن انىقتايدى. جاڭا وبەكتىدە جىل ىشىندە ناقتىلى 500 مىڭعا دەيىن زەرتحانالىق زەرتتەۋلەر جۇرگىزىلەدى.
بۇلاردان وزگە، 2017 جىلى جالپى قۇنى 11،3 ملرد. تەڭگە بولاتىن تاعى 9 وبەكتىنىڭ قۇرىلىسى باستالدى. ولاردىڭ بەسەۋى بيىل پايدالانۋعا بەرىلەدى. قالادا مەديسينالىق تۋريزم جەدەل دامۋدا. مىسالى، قالا كلينيكالارىندا جىل باسىنان بەرى قاراي جاقىن جانە الىس شەتەلدىڭ 50 ەلىنىڭ 2 مىڭداي ازاماتى ەمدەلدى. مەگاپوليسكە اقش-تان تۇركيادان قحر-نان جانە باسقا ەلدەردەن مەديسينالىق كومەك الۋ ءۇشىن كەلەتىندەر سانى ارتۋدا.
وسى سالانى سيفرلاندىرۋ اياسىندا قالانىڭ بارلىق مەديسينالىق ۇيىمدارى اقپاراتتى جۇيەنى ءتيىمدى پايدالانۋدا. 1 ماۋسىمنان باستاپ 30 فورما بويىنشا ەسەپتى قۇجاتتار قاعازسىز جۇزەگە اسۋدا. بيىلعى جىلدىڭ 1 قىركۇيەگىنەن ەلەكتروندى دەنساۋلىققا تولىق كوشىپ، قالانىڭ بارلىق تۇرعىندارى دەنساۋلىعىنىڭ ەلەكتروندى پاسپورتتارى جاسالادى.
