قازاقستاندىق ساياساتكەر ەرلان قارين يراندا ۇستالعان رەجيسسەر قانات بەيسەكەيەۆتىڭ جاعدايى جاعدايى تۋرالى جازدى، دەپ حابارلايدى Qamshy.kz اقپارات اگەنتتىگى. 

"قانات بەيسەكەيەۆپەن ءبارى جاقسى. ول ەلگە ۇشىپ كەلە جاتىر. جۇمىس بارىسىندا ماسەلەلەر بولعان، ءقازىر ءبارى شەشىلدى"، - دەپ جازدى قارين Facebook پاراقشاسىندا.

وسىعان دەيىن جەلىدە رەجيسسەردىڭ يراندا ۇستالعانى تۋرالى اقپارات تاراعان بولاتىن.

"ونى يران پوليسياسى ۇستاپ، بارلىق قۇرالدارىن تاركىلەگەن. مەن ارى قاراي نە بولاتىنىن بىلمەيمىن. قانات ءوزى كەلىپ بارلىق جاعدايدى ءتۇسىندىرىپ بەرۋى كەرەك دەپ ويلايمىن. ءبىراق مۇنداي جاعداي دەرەكتى فيلم تۇسۋرشىلەر ءۇشىن قالىپتى نارسە. بىرنەشە مىڭ دوللاردىڭ زاتى تاركىلەنگەنى بولماسا ءبارى دۇرىس. ول زاتتاردى يەسىنە قايتارا ما بەلگىسىز. ءبىراق قايتارماۋى ابدەن مۇمكىن. بۇعان دەيىن قانات مونعوليادا، تۇركيادا فيلم ءتۇسىردى. يراندا دا جاعداي جاقسى بولادى دەپ ويلاعان. ول جاقىن ارادا قازاقستانعا ورالادى دەپ ويلايمىن"، - دەپ جازدى بەلگىگى PR مامانى الىشەر ەلىكبايەۆ. 

قانات بەيسەكەيەۆ - شەتەلدەگى قازاقتار تۋرالى تۇسىرىلگەن بىرنەشە سيكلدى دەرەكتى ءفيلمنىڭ رەجيسسەرى.