نوۆوسىبىردەن انتالياعا بەت العان «پەگاسۋس» تۇرىك اۋە كومپانياسىنىڭ بوينگ-737 ۇشاعى اپاتتى جاعدايدا اتىراۋ اۋەجايىنا قوندى، دەپ حابارلايدى Qamshy.kz اقپارات اگەنتتىگى ازاماتتىق اۆياسيا كوميتەتىنە سىلتەمە جاساپ.
كوميتەتتىڭ حابارلاۋىنشا، تۇرىك ۇشاعىنىڭ قوزعالتقىشى ىستەن شىققان.
— بۇگىن ساعات 10:03-تە ءنوۆوسىبىر-انتاليا باعىتىنداعى «پەگاسۋس» تۇرىك اۋە كومپانياسىنىڭ بوينگ-737 اۋە كەمەسىنىڭ قوزعالتقىشى ىستەن شىقتى دەگەن حابار كەلىپ ءتۇستى. ەكيپاج اتىراۋ قالاسىنا اپاتتى جاعدايدا قونۋ تۋرالى شەشىم قابىلداعان. 10:20-دا ۇشاق جەرگە قوندى. بورتتا 190 جولاۋشى جانە 6 ەكيپاج مۇشەسى بولعان، - دەپ حابارلادى ازاماتتىق اۆياسيا كوميتەتى.
