ورال قالاسىندا 29 اۋلانى اباتتاندىرىلىپ، 50 كوشە كۇردەلى جانە ورتاشا جوندەۋدەن وتۋدە.
جاڭادان سالىنعان شاعىناۋدانداردى ەسەپكە الماعاندا ورال قالاسىندا 389 اۋلا بار. 2007-2017 جىلدار ارالىعىندا 300-دەي اۋلا اۋماعى اباتتاندىرىلعان. ەندى 60 اۋلا قالىپ وتىر. ورال قالاسىنىڭ اكىمى مۇرات مۇقايەۆتىڭ ايتۋىنشا، جىل سايىن 30 اۋلا اباتتاندىرىلسا، ەكى جىلدا اۋلالاردى اباتتاندىرۋ تولىق اياقتالادى. بيىلعى جىلى 23 اۋلا بويىنشا جسق دايىندالماق. ول ءۇشىن قارجى بولىنگەن. جاڭا نىسانداردىڭ بەرىلۋىنە بايلانىستى بيىل گۇلدەردى وتىرعىزۋ كولەمى ارتتى. ماسەلەن، وتكەن جىلى 21 مىڭ شارشى مەتر الاڭعا گۇل ەگىلسە، بيىل جالپى اۋماعى 30 مىڭ شارشى مەتر بولاتىن جەر گۇلمەن كومكەرىلگەن. «كوبەلەك»، «جۇرەك»، «ساعات»، «جۇلدىز» سىندى كونسترۋكسيالار دا قالامىزعا ەرەكشە ءسان بەرىپ تۇر.
– الداعى ۋاقىتتا قالانىڭ جەتى اۋدانىندا دوعا تۇرىندەگى قۇراستىرمالار دايىندالىپ، قۇمىراداعى گۇلدەر قويىلادى. سونداي-اق كاسىپكەرلەر ەسەبىنەن №36 ورتا مەكتەپ جانىنداعى جانە ت.ماسين كوشەسىندەگى تىنىمباقتار اباتتاندىرىلادى، – دەدى ورال قالاسىنىڭ اكىمى مۇرات راحمەت ۇلى.
ال جولدارعا كۇردەلى جوندەۋ جۇمىستارى ورتالىق جانە قوعامدىق كولىكتەر جۇرەتىن جانە قوزعالىسى كوپ جولداردان باستالدى. قازىرگى ۋاقىتتا 23 نىسان بويىنشا قۇرىلىس-مونتاج جۇمىستارىن جۇرگىزۋ ءۇشىن مەردىگەر كومپانيالارمەن كەلىسىمشارت جاسالعان. ونىڭ 11ء-ى وتكەن جىلدان باستالىپ، بيىل جالعاستىرىلىپ جاتقان جول قۇرىلىستارى. ال بيىل 12 كوشە جاڭارتىلادى. ونىڭ التاۋى – قپو ب.ۆ تاراپىنان، التاۋى – جەرگىلىكتى بيۋدجەتتەن قارجىلاندىرىلماق.
سونداي-اق بيىل ورال قالاسى اۆتوموبيل جولدارىن اعىمداعى جوندەۋدەن وتكىزۋ ءۇشىن 300 ملن. تەڭگە بولىنگەن. وعان 69 كوشە بويىنشا شۇڭقىرلارلارى جامالىپ، 8 كوشەگە تروتۋار، قاتتى جابىنى جوق 25 كوشەگە ۇساقتالعان قيىرشىقتاس توسەلمەك.
ايتا كەتەيىك، ورال قالاسى بويىنشا جولداردىڭ جالپى ۇزىندىعى 615،5 شاقىرىم. ونىڭ جارتىسى، ياعني 299،23 شاقىرىمى اسفالتبەتونمەن جابىلعان. 315،92 شاقىرىمى – قارا جول.
